Otobusa Dêrsimî qelibyaye: 3 merdeyî

Otobusa raywanan a ke Dêrsim ra şîyêne Enqere qelibyaye. 3 kesan cuya xo vîndî kerde.

Otobusa raywanan a ke Dêrsim ra şîyêne Enqere Bejrayîrê Kirşehîr-Enqereyî de qeza kerde. Rayîro ke rîyê vewrî û pûkî ra bibi şemitok de otobuse kontrol ra vejîyaye û qelibyaye bi şarampolî. Goreyê zanayîşanê ewilênan 3 kesî merdî, 20 kesî zî birîndar bî.

Qeza dora saeta 02.30 de virazîyaye. Otobusa raywanan hewna ke qezaya Akpinarî rê 5 kîlometre mendibi rîyê vewre û pûkî ra kontrol ra vejîyaye. Birîndarî dimayê mudaxeleyê ewilênî yê ekîbanê weşîye ra ameyî berdene bi nêweşxaneyanê ke Kirşehîr û Akpinar de yê.