Koordînasyonê PAJKî hêrişê artêşa Tirkî yê 13ê Kanûne bi eşkerayîyêka nûştekîye şermezar kerdî.

Eşkerayîye de nê ameyî vatene:

“Hêrişê hêzanê faşîst û kolonyalîstan ê T.Cyî de Mexmûr de 4 sivîlî ameyî qetilkerdene. Sere de serreyê şarê ma yê kampa Ş. Rustem Cûdî ya Mexmûrî serreyê hemeyê şarê ma weş bo. Şarê ma yo welatperwer ê Mexmûrî serra 1994 ra nata çirey çok nênayo ro û do tîya ra tepîya zî mucadeleyê xotim xurt bikero. Şarê ma do bi wayîrvejîyayîşê şehîdanê xo cewabê tewr raştî bidê. Ganî T.C bizano ke do hêrişê ci bêcewab nêmanê. Nê şarî her tim cewabê rejimanê kolonyalîst û faşîstan dayo û do tîya tepîya zî bidê.      

TÊGÊRAYÎŞÊ MA BI NAMEYÊ MERDIMÎYE HEMVERÊ DAÎŞ Û AKPYÎ DE MUCADELE DANO

Seke aseno serekçete Erdogan û çeteyê AKP-MHPyî tu çîyêk ke Kurdan xo rê awan kerdê rê tehemul nêkenê. Gama Kurd û Kurdistan vajîyeno Erdogan û çeteyê ci adeta gêj benê. Rejimo kolonyalîst ê Tirkî her firsend de hêzanê mîyanneteweyîyan ra zî paştî gêno û bi hawayêkê wehşîyî hêrişê Kurdan keno.

Şarê Kurdistanî yê ke bi roşinê felsefeya rayber Apoyî adeta bîyî roşinvîr bi şorişê Rojava hîna zaf bîyî hedefê çeteyanê AKP-MHPyî. Na yewe ra ma veng danê her kesî ke hemverê organîzasyonê çeteyî yê AKPyî de mucadele bidê. Tirkîye de teberê mucadeleyêkê şorişî yê hempar û yewî de tu rayîrêk do raşt û netîcegirewtox nêbo. Kîşta nê de bêvengmendişê NY û hukmatê merkezî yê Iraqî yê hemverê hêrişanê dewleta Tirkî zî nêno qebûlkerdene.   

HÊRIŞ ZIHÎFÎYA ERDOGANÎ YO

Peynî de ma vanê ke do şarê ma cewabê hêrişanê rejimê faşistî yê Tirkî yê hemverê Mexmûr, Şengal û Rojava bi hawayêkê tewr xurtî bido. Ma nê hêrişan sey zihîfîya AKP û Erdoganî vînenê. Dîktatoro ke serê sivîlan de bombayan varneno do wijdanê merdimîye de bêro muhakemekerdene û do têgêrayîşê cinîya azade zî hesabê nê hêrişan biperso. Tu hêrişêk do bêcewab nêmano. Kurdistan de dewrê îdareyanê xerîb û îşxalkaran qedîyayo. Wextê şîyayîşê çeteyanê Tirkî yê faşîst û kolonyalîstan zî ameyo. Çunke wisarê cinîyan û şaran ameyo.