Partîyê Kurdan binê serbanê HDPyî de kewenê weçînitişî
Partîyanê Kurdan verê weçînitişê cayî qerarê îtîfaqî girewt. Partîyan tekstêko hempar eşkera kerd û vat ke înan semedê yewîya neteweyîye ya Kurdan gamêka tarîxî eşta.
Partîyanê Kurdan verê weçînitişê cayî qerarê îtîfaqî girewt. Partîyan tekstêko hempar eşkera kerd û vat ke înan semedê yewîya neteweyîye ya Kurdan gamêka tarîxî eşta.
Partîyanê Kurdan Amed de da zanayene ke ê binê serbanê HDPyî de kewenê weçînitişê cayî.
Hemsereka Pêroyî ya HDPyî Pervîn Buldane ke qiseykerdişê akerdişî kerd wina va: ‘‘Yewîya neteweyîye ya şarê ma , deynê ma yo. Qazî Mihemedî ra heta Mele Mûstafa Barzanî, Malûm Doganan û Vedat Aydinan rê deynê ma yo. Mîraso ke înan ma rê verdayo, naye rê deynê ma yo. Nê mîrasî rê wayîrvejîyayîş gure û berpirsîyarîya ma yê. Aye ra ma ewro tîya de, têhet de yê û gamêka erjaye erzenê.‘‘
Tekstê hemparî yê partîyanê Kurdan ra tayî cayî wina yê:
-Partî û têgêrayîşê ma yê ke nê tekstê îmzayê înan estê, weçînitişanê cayî de Îtafaqê Weçîninişî yê Kurdistanî îlan kerd û do binê banê HDPyî de tewrê weçînitişî bibê.
-Vera formûlê ‘Kurdan rê bidê vîndkerdene, vîn bikerê‘ yê Îtîfaqê Cûmhûrî, îtîfaqê weçînitişî yê Kurdistanî bi formûlê ‘Wa Kurdî qezenc bikerî‘ do tê bigêro.
- Îtîfaqê weçînitişî yê Kurdistanî do vera hêrişanê serê erjanê neteweyî û destkewteyanê şarê ma bi ganîkerdişê sîyesetê sivîlî yê demokratîkî hinî zaf bixebityo.
- Ma do sere de perwerdeyê ziwanê maye yo ke waştişê şarê ma yo acîl û neteweyî yo, seba heme heqanê bînan ê esasî xizmetê şarê xo bikerê.
Partî û têgêrayîşê ke îtîfaqî de ca gênî wina yê:
Têgêrayîşê Îslamî yê Kurdistanî (AZADÎ)
Partîya Herêman a Demokratîke (DBP),
Komela Kurdî ya Şoreşgêr Demokratîke (DDKD),
Partîya Şaran a Demokratîke (HDP),
Partîya Azadîye û Merdimîye (PİA)
Partîya Komînîstî ya Kurdistanî (KKP)
Platformê Demokratî yê Kurdistan (PDK)
Partîya Demokrate ya Kurdistanê - Tirkîye PDK-T.