Xeylê herêmanê Başûrê Kurdîstanî de cayê mendişî yê arteşa tirkî estî û bi destê Teşkîlatê Îstîxbaratê Mîlî (MÎT) xebatanê lêşinan kenî. Derheqê naye de zanayîşê muhîmî kewtî dest.

Goreyê çimeyanê herêmî, yewîyê MÎTî Girê Serê Rola ke girêdayeyê herêma Qesrê ya û ewja de qereqolê PDKyî esto de manenî û herêmanê Kolîter, Mamê Rut, Berdexerdan û Şêrawaz de her roje xebatê kifşî kenî.

Dewê ke Dîwana ra girêdaye yê û hetê hêzanê Hecî Birofî yê Zerevanî ra yenê pawitene, qereqolanê nê cayan de xebatê MÎTî eşkera yenê kerdene û nê merkezan de bi serran o nê xebatî benî.

MÎT QEREQOLANÊ PDKYÎ YÊ KOYANÊ KOREKÎ DE AMEYO CA KERDENE

Koyanê Korekî de qereqolê ke binê kontrolê hêzê Zerevanî ke Sîdar Barzanîyî ra girêdaye yê, sey merkezê îstîxbaratê tirkî yenê şuxulnayene. Qereqolê Koyê Korekî, Sînorê Dola Alanê, Dola Meleken û Koyê Kêlkîlêlî ra heta sînorê peynîya Helgurtî, ewja ra heta dewanê Ako û Gerewayî ke Rewanduzî ra girêdaye yê, pêroyê nê cayan kontrol kenî.

HECÎ UMRAN BINÊ KONTROLÊ MÎTÎ DE YO

Sey nê peroyê qereqolanê PDKyî, qereqolê hêzê Zerevanî yê PDKyî yê Koyê Wêzê ke sînorê Hecî Umranî de yo, ewja de zî yewîyê MÎTî estî. Goreyê zanayîşan endamê Parastinî ke Dîyana de manenî ê zî paştî danê tîmanê MÎTî. Nizdîyê na herême de merkezê hêzanê Îranî estî.