Hêzanê PDKyî destûr nêda ke heyetêkê Başûrê Kurdistanî tewrê Forumê Vurayîşo Demografîk û Esteritişo Etnîkî yê Efrînî bibo.

Konferansê bi nameyê Forumê Vurayîşo Demografîk û Esteritişo Etnîkî ke xeylî welatanê sey Misir, Fransabibo, la Berê Sînorî yê Sêmilka de hetê PDKyî ra ravêrtişê înan rê destûr nêdîya.

Kesê ke heyetî de bî û vernîya şîyayîşê înan ê forumî amî girewtene nê yê: Wezîfedara Mûsnayîşî ya Beşê Zanistê Sosyolojî ya Unîversîteya Silêmanîye Hewjîn Mele Emîn, Unîversîteya Duhokî ra Dr. Kamuran Berwarî û Hîşam Zêbarî, rojnameger û avûkat Siruç Halepçe, rojnameger Simko Sabir û rojnameger û nûştox Aso Abdullatîf.

PDKYÎ BI ZANAYÎŞ DESTÛR NÊDA

Wezîfedara Mûsnayîşî ya Beşê Zanistê Sosyolojî ya Unîversîteya Silêmanîye Hewjîn Mele Emîna ke ravêrtişê ci rê destûr nêame dayene vat “wezîfedaranê berî seba ke ferman cor ra girewto destûr nêda ravêrtişê ma.”

Rojnameger û avûkat Siruç Halepçe zî vat ê qasê 6 saetan berî de ameyê vindarnayene û rixmê nê vindarnayîşî de zî destûr nêdîyayo înan. Halepçe vat: “Înan nêwaşt ke ma ravêrê. Sebebê nê zî zafaneyê ma herêma ke tede qirkerdişî estbî ra ameybî û derheqê babete de tecrubeyê ma zaf bi.”