Merkezê Çapemenî û Îrtîbatî yê HPGyî da zanayene ke qezaya Qûbînî yê Êlîhî de mabênê gerîla û leşkeranê tîrkî de pêkewtiş virazîyo.

Eşkerayîye de ca dîya nînan:

ÊLÎH-QÛBÎN DE PÊKEWTIŞ

Roja 1ê Teşrîna peyêne bejikê qezaya Qûbînî yê Êlîhî de mabênê yewîyêka ma ya ke gure de bîye û leşkeranê artêşa tirkî ya îşxalkare de pêkewtiş virazîya. Hûmara leşkeranê merde û birîndaran nêamî tesbîtkerdene. Pêkewtiş de embazêkê ma yo ke hemverê leşkeranê dişmenî de bi qehremanî şer kerd şehîd kewt. Wexto ke hayîdarîyê nasnameyê embazê ma bêrê zelalkerdene ma do rayapêroyî dir pare bikerê.   

CÛDÎ DE OPERASYON

Roja 31ê Teşrîna verêne de artêşa tirkî ya îşxalkare herêma Cûdî ya Şirnexî de operasyonêko hîra da destpêkerdene. Dimayo ke detayê derheqê nê operasyono ke xeylî pêkewtişî û bombardûmanî virazîyayî bêrê zelalkerdene do rayapêroyîye dir bêrê parekerdene.

TEYAREYANÊ ŞERÎ YÊ TIRKAN RA BOMBARDÛMAN

Roja 1ê Teşrîna verêne saet 14.30 de teyareyanê artêşa tirkî ya îşxalkare dewa Girê ya pabesteyê herêma Gare ya Wareyê Pawitişê Medya bombardûman kerde.”