Merkezê Çapemenî û Îrtîbatî yê HPGyî derheqê netîceyanê çalakîyanê gerîlayan de eşkerayîyêk daye.

Eşkerayîye de nê ameyî vatene:

“Roja 9ê Teşrîna peyêne saet 16.40 de hêzanê ma hemverê Qereqolê Serbendî yê pabesteyê Qilebanê Şirnexî de çalakîyêk viraşte. Cayê qereqolî gîrîya binê gulevaranêkê giranî, na çalakayî de hûmara leşkeranê kişte û birîndaran nêamî tesbîtkerdene.”

Roja 10ê Teşrîna peyêne saet 09.00 de hêzanê ma hemverê artêşa tirkî ya îşxalkare ke xo Qilê Lêlîkanî yê pabesteyê Sîdekanî yo ke keweno hetê Başûrê Kurdistanî bica kerdîbî de çalakîyêk viraşte. Na çalakîya ke tede mewzî û stargeyê dişmenî bi hawayêkê bitesîrî ameyî hedefgirewtene hûmara leşkeranê kişte û birîndaran nêamî tesbîtkerdene.

HPGyî da zanayene ke roja 10ê Teşrîna peyêne saet 17.30 de teyareyanê şerî yê aîdê artêşa tirkî ya îşxalkare Newala Aris-Farisî ya pabesteya herêma Avaşînî ya Wareyê Pawitişê Medya bombardûman kerda.