Grevê vêşanî yê ke seba wedartişê tecrîdê serê Rayberê Şarê Kurdî Abdullah Ocalanî ameyî destpêkerdene dewam kenî. Grevê Leyla Guvene ke Zîndanê Amedî de yeno domnayene roja xo ya 70ine rê nêzdî beno, grevê zîndanan û Ewropa zî bi qerarîye dewam kenî.

Bajarê Hewlêrî yê Başûrê Kurdistanî de zî Nasir Yagiz 56 rojî yo grevê vêşanîye yê bêdem-bêagêrayîşî de yo. Rewşa weşîya Nasirî her roje hîna xirab bena. Nasîr hînî nêeşkeno çîyanê awinan bigêro. La rixmê naye Yagiz vano ke heta wedartişê tecrîdî do çalakîya ey dewam bikero. Yagizî waşt ke wa her kes seba azadîya Ocalanî çîyêk bikero.