OHALî ra dima Colemêrg û qezayanê ci de bi desan wareyî ameybî qedexekerdene û wedartişê OHALî ra dima zî qedexeyî dewam kenî.

Colemêrg de şaro ke bi heywankarîye îdareyê xo keno, qedexeyê wareyan yê AKPyî ra zaf zirar vîneno. Bi sebebo ke destûrê wareyan çîn o, heta aşma êlule bi seyan heywanî telef  bîyî. Wareyî ke her serre bi des hezaran heywanî tede çerayêne, rîyê qedexeyî ra xalî mendê.

Welatijan ra qismêk seba ke nêeşkenê miqatê pes-dewarî bibî, heywankarîye caverdaya. Êyê bînî zî dewe de miqatê heywanenê xo benî û zaf keratîye ancenî. Hammanî rîyê germayîye ra xeylê heywanî telef bî û dewijî ke nêşîyê wareyan seba zimistanî zî hendê lazimîya heywananê xo waş arê nêdayo. Nê semedî ra welatijî seba zimistanî qisewet kenî.