Oraganîzasyonanê qezayanê Şemzînan û Geverî yê Partîya Şaran a Demokratîke (HDP) û Partîya Herêman a Demokratîke (DBP) seba silamkerdiş û paşrîdayîşê grevê vêşanî yê hemsereka DTKyî û parlamentera HDPyî ya Colemêrgî Leyla Guvene kombîyayîşo çapemenî viraşt.   

Parlamenterê Colemêrgî Saît Dedeyo ke kombîyayîşê banê HDPyî yê qezaya Şemzînanî de qisey kerd vat: “Guvene bi reyanê xeylî vêşîyan amîya weçînitene, dimayo ke amîya serbestkerdene reyna amîya tepiştene. Madeyê 83. yê qanûnê bingeyênî yeno îxlalkerdene. Ganî tavilî serbest vera dîyo. Nimûneyê Mustafa Balbay, Enîs Berberoglu û Sebahat Tuncele vernîya ma de yê. Dimayo ke sey parlementer ameyî weçînitene zere de gîrîyayîşê înan hemverê qanûnî de yo. Dewlete qanûnê xo înkar kena.”