PKK: Serra 21. de do komplokarî vîn bikerî

Komîteya Rayîrberdîya PKKyî serrgêra komploya 9ê teşrîna verêne ya vera Rayberê Şarê Kurdî Abdullah Ocalanî de eşkerayîyêka nuştekî da û naye ra pêrabeste rojdem girewte dest.

Komîteya Rayîrberdîya PKKyî dîyar kerd ke faşîzmê AKP- MHPyî dewrê xo yo peyênde yo û ê serra 21. ye komplo de do vîn bikerî.

Komîteya PKKyî sere de komplo şermezar kerd şehîdî arde vîrê û wina va:‘‘ Şehîde kahramanî yê no têkoşîno bimbarekî ke Halît Oral ra dest pê kerd û heta Umut Acarî seba Rayber Abdullah Ocalanî bedenê xo nata û barîkatê adirî viraşte, nê xoverdayoxanê ‘Şima nêşkenî tîja ma tarî bikerî‘ ma bi hurmete yad kenî. Bitaybetî zî şehîdê ke ters û xof vistêne zerrîya komplokaran, şexsê hemrayê Delal Amede, Zekî Şengalî û Atakan Mahîrî de ma heme şehîdanê  voverdayîşê serra vîstene yad kenî sozê danî ke serra 21.de ma do hîna qerarin têkoşîn bidî û serkewtiş dest bifînî.

ŞEXSÊ OCALANÎ DE ŞARÊ KURDÎ BINÊ ZEXT Û TECRÎDÎ DE YO

PKK dewrê adirbirnayîşî vistê vîrê û wina domna:‘‘1ê êlula 1998î de Rayber Apo adir birna û waşte ke meselaya kurdî bi sîyasetê aştî û demokrasî bêro çareserkerdişî. Vera na gamêka erjaye hêzê global û herêmî ke Kurdîstan polîtîkaya qirkerdişî danî rametene, 9ê teşrîna verêna 1998î de dest kerd hêrişêko koplokarî.

FAŞÎZMÊ AKP-MHPYÎ DEWRO XO YO PEYÊN DE YO

Faşîzmê AKP- MHPyî ke dewro xo yo peyên de yo îmrali de îşkenceyî xorin keno û vera şarê ma hêrişê xo zêdîneno. Bi waştişê qezencanê kurdan dest ra girewtişî heme hêzê dewlete şuxulnene û pêroyê heq huqûqî şarî genî bine lingan. Vakur û Rojawanî de qezencanê kurdan rê hêriş kenî. Sere de Cizîr û Sûr Vakurî de qetlîamî viraştî. Reyna Efrîn îşxal kerd û wazene ke demografyaye ci bibedilnî. Per bîn ra Minbic ra heta Derîkî Rojawan tehdît kenî. Xora Şengal de qetilkerdişê hemra Zekîyî zî leteyêke ney o. Hukmatê Erdoganî bi kerdenanê xo faşîzmê Hîtler û Mussolînî zî xo dima verdayo.

GERİLA HEME HÊRIŞAN PÛÇ VEJEN O

Ewro bi paştîdayîşê komplokaranê mîyanneteweyî faşîzmê AKP-MHPyî heme teknîkî şuxulneno û bi waştişê çînkerdişî gerîlayî rê hêriş keno. La Gerîlayê Azadîya Kurdîstanî xetê kahramanîye de bi têkoşîno girde pêroyê hêrişanê înan pûç vejen o. Bedelê ci çî beno wa bibe ma waştişê Raybero azade,Welato Azade, Şaro Azade û cuyaya azade canêverdenî. Na çerçewe de û şexsê çalakîya Êlîhî de gerîlayê ma yê kahraman ke faşîstan ra hesab persen, ma têkoşînê înan fîraz û slûm kenî.

ÎMRALI DE XOVERDAYÎŞÊKO TARÎXÎ ESTO

Bêşiko ke Rayber Apo vîst serrî yê zîndanê Îmrali de bi qerarîye û rika girde erzeno xo ver. No xoverîşo tewr hurmetin û meneyin yê tarîxî yo. No heqîqet o. No xoverdayîşî vernîya şarê kurdî û şarê herêmî roşt kerd o. No xoverdayîş sere de cînî rayîrê xelisnayîşî ramojnayo şaran.No xoverdayîş vera hêrişkar serdestan de estbîyayîşê şaran o. Dezgehê sey CPT û AÎHM ke qeydeyanê xo gene binê lingan, sebebê naye felsefeya Rayber Ocalanî ra tersayîş o.

GUWÎNÊ KE RIŞNAYA DO TEDE BIFATISÎ

Senî ke her dewrê tarîxî de zilmkarî quwînê ke rişnaya tede fatisyayî, dîktatorîya Erodgan û Bahçelî ke vera Rayber Apo û şarê kurdî de zilm kena, ê zî do guwînê kê rişnaya tede bifatisî. Gerîlayê Azadîya Kurdîstanî do peynîya înan bîyaro.''