Merkezê Îrtîbat û Çapemenî yê HPGyî, derheqê tayê rêzeçalakîyanê ke hemverê artêşa tirkî de ameyî kerdene de beyanatêko nûştekî da. Beyanatî ra gore çalakîyan de tewr tay 9 eskerê tirkî ame kiştene.

Beyanato ke keyepelê HPGyî de ca gêno wina yo:

Çarçiwaya hemleya Şehîd Pîroze û Şehîd Agirî de hêzê ma roja 10 Teşrîna verêne de hemverê artêşa Tirkî ya îşxalkare de çalakîyê verhîrayî viraştê. Detayê çalakîyanê ke ameyê viraştene wina yê:

SIDÊQAN DE 4 ESKERÎ AMEYÎ KIŞTENE

Hêzanê ma saet 08.15 de hemverê îşxalkaranê ke Qilê Lêlikan ê Sidêqanî ke keweno zereyê erdê başûrê Kurdistanî çalakîyêk viraşte. Na çalakîya ke tede mewzî û stargehê dişminî di polan ra bi hawayêkê bitesîrî ameyî panayene qaso ke ame tespîtkerdene 4 eskerî ameyî kiştene.    .

LÊLIKAN DE 1 ESKER AME KIŞTENE

Hêzê ma yê YJA STARî saet 14.20 de ancî Qilê Lêlikan de eskerê ke xo ûca bica kerdîbî ser o çalakîyêka suyîqestî viraşte û 1 eskerê dişminî ame kiştene.  

BARZAN DE ÇALAKÎYA SUYÎQESTÎ

Hêzê ma saet 19.00 de Qilê Xwedê yê herêma Barzanî ke zereyê erdê başûrê Kurdistanî de manena ser o çalakîyêka suyîqestî viraşte û 1 esker ame kiştene.

ÇELÊ DE HÛMARA KIŞTEYAN NÊEŞKA BÊRO TESPÎTKERDENE

Saet 11.30 de hêzanê ma hemverê eskeranê ke xo Qilê Xeregolî yê girêdayeyê qezaya Çelê ya Hekarî de bica kerdîbî çalakîyêk viraşte. Mewzî û stargehê dişminî yê ke nê qilî de bîyî bi hawayêkê biîsabet ameyî pirodayene, hûmara eskeranê ke na çalakî de ameyî kiştene û birîndaran bîyî nêamî tespîtkerdene.

Viraştişê çalakî ra dima artêşa tirkî ya îşxalkare wareyê dormeyê xo bi topanê obus û yê hewanî raşteraşt bombe kerdî.  

SÊRTE DE 3 ESKERÎ AMEYÎ KIŞTENE

Çarçiwaya hemleya Şorişgêre ya Şehîd Delal Amed û Şehîdanê Besta de hêzanê ma roja 9ê Teşrîna verêne saet 10.45 de Qilê Şehîd Canxortî ke girêdayeyê herêma Herekolî yê Sêrte yo ser o çalakîyêk ke eskeranê ûcayî xo rê reya diyine hedef girewtêne viraşte. Eskerê dişminî yê ke bi hawayêkê bitesîrî ameyî pirodayene, înan ra 3 ameyî kiştene û 2 zî birîndar bîyî. 

Hêzanê ma çarçiwaya hemle de 10ê Teşrîna verêne de saet 16.30 de çalakîyêk ke reya diyine hêzanê dişminî yê ke Qilê Şehîd Canxortî de yê hedef girewtî viraşte. Nê çalakîyê ke mewzîyê dişminî bi hawayêkê kesifî ameyî pirodayene hûmara  eskeranê kişte û birîndaran nêeşka bêro tespîtkerdene.