Eşkerayîye de ame vîrardene ke qewimîyayîşanê parî û hêrişanê Iraqî û Haşdî Şabîyî ra dima se ra 51ê erdê Başûrî ameyî vînkerdene.  

Eşkerayîya Têgêrayîşê Azadî wina ya:

„Bi hezaran şehîdî hemverê çeteyanê DAÎŞî de ameyî dayene û xeylî wareyê Kurdistanî ameyî azadkerdene. Labelê dima ra nê wareyî bi ercanîyêka pîle hêzanê Iraq û yê Haşdî Şabîyî rê ameyî teslîmkerdene. Bi ma peynîya nînan de senaryoyêk estbi. No zî çinêbîyayîşê yewîya kurdan o û xîlafê mîyanê partîyanê kurdan ê ke îqtîdar de yê. Goreyê qanûnê bingeyênî yê 2005î ganî herêma Kurdistanî hetê îqtîsadî, sîyasî û eskerî ra girêdayeyê hukmatê Iraqî yê merkezîyî bo.         

Goreyê peymana mîyanê Iraq, Herêma Kurdistanî û hêzanê koalîsyonî dima ke Mosil bêro azadkerdene ganî hêzê kurdan xo biancê sînoranê verê wextê DAÎŞî. 

Referandûmê 25ê Êlule bi sebeb ke qewimîyayîşê 16ê Teşrîna verêne virazîyê. Qewimîyayîşan de xeylî şehîdî ameyî dayene, keyeyî raşîyayî, ameyî talankerdene, bi hezaran kurd mecbûr mend ke wareyê xo ra koç bikero. Xurmatu de çîyê teberê ehlaqî de virazîyayî. Dormeyê ke hêzê înan nê herêman de estbî bi ameyîşê hêzanê Iraq û Haşdî Şabîyî verê înan de cayê xo girewtî.

Bi ma çareyê nê sîstemêkê demokratîkî mîyan de bi aşitî û azadî halkerdişê probleman o. ganî heme heqê grûbanê etnîkan bêrê dayene.

Ganî ê kesê ke bîyê sebebê qewimîyayîşanê 16ê Teşrîna verêne bêrê tesbîtkerdene û cezakerdene. Referandûm senaryoyêk bi û bi sebebê virazîyayîşê qewimîyayîşanê 16ê Teşrîna verêne. Çîyê ke 16ê Teşrîna verêne de bîyî ganî bêrê eşkerakerdene. Nê heme guman virazenê ke peymanêk mîyanê hêzan de amîya viraştene.“