HPGyî bi eşkerayîyêka nuştekî da zanayene ke operasyono ke artêşa tirkî 28ê êlule de Qileban de bi des hezeran leşkeran û qoricîyan dabi destpê kerdene, dest vengê qedîyo.

Hîrayina eşkerayîye de ca dîya nînan:

‘’28ê êlule de  artêşa tirkî herêma  Kela Memê ya qezaya Qilebanî yê Şirnexî de bi tewrbîyayîşê 10 leşkeran û qoricîyê dewanê Kitêr, Dêra Hênê û Sêgirke operasyonêk viraşt. 29ê aşme de dagîrkeran  bi helîkoteran dewanê Diryan, Çemê Diryan, Avyan, Axîyan, Rijdê, Mêhrînê, Kanî Torkîkê Hozê û  qilê Rijnê, Bayrak, Kaplan û dola Hêzil rê leşkerî kiriştî. Dagîrkeran 3ê teşrîna verêne de arazîya dewa Mêhrînê, Diryan û Rijdê de şewat vete û destê venge peyser ancîyayî.

Reyna 28ê êlule de seatanê sibayî de herêma Pîrdûda ya Faraşînî yê Elkê ya Şirnexî de  operasyonêk dest pêkerd. Binateyê hêzanê ma û leşkeranê dişmenî de pêkewtişî vejîyayî û xeylê leşkerî merdî û birindar bîye la hûmarê înan safî nêbî.

Nê pêkewtişan de embazê ma Çekdar Azad bi kahramanîye şer kerd û şehîd kewt û Serxwebûn ( Sadik Hasan Reşîdî)  zî birindan esîr kewtê destê dişmenî. Operasyon eynî roje qedîya.

Embazê ma ke şehîd bîyo nasnameyê ci winayo:

Nameyê Qodî:  Çekdar Azad Name Peyname: Ferdî Muslu Cayê Biyayîşî: Wan Dadî-Babî: Semîha - Şevket Tarîx û Cayê Şehadetî:  28ê êlela 2018î / Şirnex

HERÊMA MEBÎRNAVA YA PAYÎZAVA DE BOMBARDÛMAN           

14ê êlule de seatanê şewe de teyaranê şerî yê arteşa tirkî herêma Nebirnavê ya  Payîzava  ya Wanî bobardûman kerd. Bado zî roja bîn operasyonêk dest pêkerd.  Operasyon de Agîr Goyî ( Rojhat Babat) teslîmê hêzê dişmenî biyo.

ÇELÊ DE MAKÎNAYÊKA ARTÊŞA TIRKÎ AMEYE ÎMHA KERDENE

3ê teşrîna verêne de qilê Şundirê ya herêma Deştanê ya Çelê ya Colemêrgî de makînayêka arteşa tirkî ke xebatê rayîrî rê ameyenê şuxulnayene, ci rê  çalakîyê ameya viraştene. Netîceyê çalakîye de makîne îmha bîya û xebatê rayîrî ameyo vindarneyene.

TEYARANÊ ŞERÎ YÊ ARTÊŞA TIRKÎ GEVER DE CAYÊ SIVÎLAN BOMBARDÛMAN KERD

Teyaranê şerî yê artêşa tirkî hêrişê  Herêma Pawitişî yê Medya bombardûman kerd. Goreyê naye; 3ê teşrîna verêne de  herêma Çemço, Şehît Şahîn û Werxelê yê Zapî ame bombardûman kerdene.     

Eynî roje saetanê cêm şane de dormeyê dewa Stunê ya qezaya  Gever yê  Colemêrgî ame  bombardûman kerdene. Bombardûmanî ra yega û bostananê şarî de şewat vejîya.’’