Vera weçînayîşê Başûrî de reaksîyon zêdîyenî

Başûrê Kurdîstanî de weçînayîşê parlamento ke 30ê êlule de amebi viraştene, hema netîceyê ci yo fermî aşkera nêbîyo. Partîyî vera netîceyî reaksîyon nîşan danî.

Başûrê Kurdîstanî de weçînayîşê parlamento ke 30ê êlule de ame bi viraştene û hewteyêko hema netîceyê ci yo fermî aşkera nêbîyo, vera ci reaksîon yenî nîşan dayene.

Goreyê partîyanê muxalefetî dîyar no weçînayîş şikin o, partîyê îqtîdarî peynîyê weçînayîşî goreyê xo bedilnenî. No semed ra ey netîceyî weçînayîşî red kenî.

Hereketê Nesîlo Newe û Goranî ra dima Partîya Yekgurtu ya Îslamî zî vera weçînayîşî vejîyayî û da zanayene ke ê netîceyê weçînayîşî red kenî.

Heto bîn ra Qûrûlê Weçîyanîşo Berzî yê Başûrî da eşnawitişê ke peynîya ci hema zelal nêbîyo.

Goreyê netîceyo ke fermî nîyo, PDK 44, YNK 21, Goran 12, Hereketê Nesîlo Newe 8, Komela Îslami 7, Îtîfaqê Îslahî 5 û Îtîfaqê Serdemî 1 sandalî qezenc kerdî.

Goreyê netîceyî weçînayîşî ganî koalîyon bêro ronayene. La seba krîzê Serokkomarê Îraqî û Walîtîya Kerkukî binateyê PDKyî û YNKyî de alozîyîş esto. Nika yeno meraq kerdene ke nê her di partîyî senî yenî têhet û pîya têgêrenî.