Rejimê AKPyî saetanê sibayî de Wan de operasyonê xo yê qirkerdişê sîyasîyî domnayî.

Wan de polîsî Roja Maliman a dewleta tirkî de eşt serê keyeyanê malimanê ziwanê kurdkî. 

Operasyonanê qirkerdişê sîyasîyî de îdarekarê DÎSA-DERî Dîlber Akine, Mizgîn Fendîke, Naîm Ozden, Şevket Acar, Celal Soguk û xebatkara rojnameyê Yenî Yaşamî Şukran Erdeme gîrîyayî binê nezaretî. Qezaya Şaxî de zî Ferhat Batu, Ramazan Îtah, Çekdar Kîye û xebatkara Meclîsê Ciwanîye yê HDPyî Eylem Cengize gîrîyayî binê nezaretî.

Çarçiwaya heman dosya de xebatkara rojnameyê Cuya Azade Mizgîn Fendîke zî Îzmîr de sereştişê keyeyî de gîrîyaye binê nezaretî.