Wan û Şirnex de çalakîyê gerîlayan

Merkezê Îrtîbat û Çapemenîya HPGyî îzehetêko nuştekî da û dîyar kerd ke Wan û Şirnex de vera artêşa tirkî de çalakîyî ameyî viraştene, merde û birîndarê artêşa tirkî estî. HPGyî îzehetê xo de ca dayo hêrişanê artêşa tirkî zî.

Îzeheto ke hetê Merkezê Îrtîbat û Çapemenîya Hêzê Pawitişê Şarî (HPG-BÎM) ra ameyo dayene, wina yo:

“Çarçewaya Hemleya Şorişgêrî ya Şehîd Pîroze û Şehîd Agirî de hêzanê ma vera leşkerê ke ewleyîya Qereqolê Kevirê Şamîyanî girewtêne de çalakîyê suîqestî viraştî. Netîceyê çalakîyan de leşkerêk merd û leşkerêk zî birîndar bi. Çalakîyan ra dima artêşa tirkî bi hewan û obusan dorme bombarduman kerdo.

ŞIRNEX DE ÇALAKÎYE

Çarçewaya Hemleya Şehîdê Besta û Delal Amede de hêzanê ma 27ê êlule (ewro) vera Santralê Termîkî yê Bêspînî de çalakîya sabotajî viraşta. Netîceyê çalakîye de santral bi temamî îmha bîyo.

HÊRIŞÊ ARTÊŞA TIRKÎ

25ê êlule Artêşa tirkî dewanê Tûyê, Spirêz, Warê Sêva û Omerlî yê qezaya Şemzînanî ya Colemêrgî de operasyonêk da dest pêkerdene. Operasyon 26ê êlule de bênetîce qedîya.

Roja 26ê êlule teyarayê artêşa tirkî hêrişê Warê Pawitişê Medya kerdî. Na çarçewa de teyarayan mabênê saetanê 10.30 û 12.00 de dormeyê dewa Şêranişî ya herêma Heftanînî, Newala Beşîrî ya warê Metîna, warê Basya yê herêma Avaşînî û dormeyê Awa Lolanî bombarduman kerdî. Netîceyê nê bombardumanan de ti zaîyatê ma nêbîyo. Rez û bexçeyê şarê herême zirar dîyî.”