Weqfê Ensarî vernîya weçînitişî lez da xebate
Weqfê Ensarî ke bi istîsmarê domanan û nezdîbîyayîşê xo yê AKPyî yeno şinasnayene Wan û qezayanê yê de şaxê xo akerdê lez dayo xebata weçînitişê cayîyî.
Weqfê Ensarî ke bi istîsmarê domanan û nezdîbîyayîşê xo yê AKPyî yeno şinasnayene Wan û qezayanê yê de şaxê xo akerdê lez dayo xebata weçînitişê cayîyî.
Weçînitişê cayîyî rê wextêko ke tay mendo, komele û weqfê ke nêzdîyê AKPyî yê binê nameyê sohbetê dînî de domanan, ciwanan û cinîyan fînenê defika xo. Nê sazîyan ra Weqfê Ensarî, ÎHH, ÎMD, ÎHYA-DER, Başak-der, Nakşîbendî û Suleymancî xebata weçînitişî kenê.
Welatijo ke Wan ra nêwaşt nameyê xo bido wina va: “Her şanînan şinê çende keyeyan kombîyayîş virazenê û xebata weçînitişî kenê. Seba însanan bixapnê dîn bi kar anê û sey endamanê AKPyî xebetênê. Wa kes înan ra bawer nêkero, domanan û ciwananê xo nêşawo sazîyanê înan.”
CEMAATÎ KURDISTAN DE BIYÊ VILA
Parlamenterê AKPyî yê Wanî Osman Nurî Gulaçarî, verê weçînitişê 24ê Hezîrane serekîya şaxê Wanî yê Weqfê Ensarî kerdêne. AKPyî ra nata Weqfî û Cemaatî zafê cayan de biyê vila û istîsmarê domanan, cinayetî û zewacê qican zêde bîyê.
Nê weqfî û cemaatî bi istîsmarê domanan û cinîyan yenê şinasnayene, Ewro şaristananê Kurdistanî Wan û qezayanê yê de bi hetkarîya AKP û dewlete, nê weqfî, terîqetî û cemaatî zaf zêde serê domanan, ciwanan û cinîyan de xebate kenê. Seba xapnayîşê însanan dîn bi kar anê.