Şaredarîya Qoserî ya Mêrdînî hetê AKPyî ra amebî dagîr kerdene û qeymeqamê qeza Ahmet Odabaşi zî sey qayûmî tayînê şaredarîye bibi. Bi emrê qayûmî nameyê kurdî yê 3 taxan ke verê cû hetê Şaredarîya Partîya Herêmanê Demokratîke (DBP) ra ameybî dayene, ameyî bedilnayene.

Heto bîn ra nameyê ke ameyî bedilnayene, hîna bi hawayo fermî nêameyî îlan kerdene, labelê nameyê neweyî herinda kehenan de ameyî pa kerdene.

Goreyê nêyî nameyê Taxa Berçemî bîyo Şahkulubey, nameyê Taxa Aşîtî bîyo Yenîkent û nameyê Taxa Medya zî bîyo Taxa Selahattîn Eyyubî.