Fermandarîya YBŞyî  bi wesîleya serragêrayîşê xelesîyayîşê Şengalî eşkerayîyeka nuştekîye daye.

Eşkerayîye de vajîya ke: “Ma serra 3ine ya xelesîyayîşê Şengalî yê şarê xo yo ke pêgirewteyê azadîye yo pîroz kenê û şexsê Şehîd Berxwedanan û Şehîd Berîvanan de zî heme şehîdanê xo yê qehremanan bi hurmet û minet bi vîr anê.”

'HÊRIŞO TEWR QILÊRIN BI'

Eşkerayîye de ame vatene ke hêzê îşxalkarî wazenê ke şaranê kêmhûmaran raşte ra wedarê. Tarîx de înan tim hêrişê ma kerdo. Na fermana 73ine de zî bi hezaran cinî û ciwanê ma ameyî qetilkerdene. Bi hezaran cinîyî bazaran de sey kole roşîyayî. Êyê ke hawarîya şarê ma de ameyî û şarê ma qirkerdişî ra feletnayî hêzê pawitişî yê şarî bîyî. Bi paştîdayîşê înan Yeyîyê Xoverdayîşê Şengalî (YBŞ) ame sazkerdene.”     

'HEMRAYÎ Û FEDAKARÎYÊ XEYLÎ BERZÎ AMEYÎ CIWÎYAYENE'

Dewamê eşkerayîye de ame vatene ke: “Dimayê abîyayîşê korîdora merdimîye ra merkezê şaristanê Şengalî ame xelesnayene û nê xoverdayîşî de xeylî hemrayê ma şehîd kewtî. Nimûneyê hemrayî û fedakarîye yê xeylî berzî ameyî ciwîyayene.

'MA SAYEYÊ RAYBER APOYÎ DE RESAYÎ EWROYAN'

Bêguman ma bi îdeolojîya şehîdanê xo û Rayber Apoyî resayî ewroyan. Ma nê bingeyî ser o Mam Zekî Şengalîyî û Şehîd Mahîrî bi vîr anê û seba ke xeyalê înan bica bêrê mucadeleyê xo xurt kenê.

'MA DO XOVERDAYÎŞÎ PÎL BIKERÊ'

Ma ancî serra 3ine ya xelesîyayîşê Şengalî heme şarê ma rê pîroz kenê û şexsê hemrayê ma Mam Zekî Şengalîyî de şehîdanê xo bi minet bi vîr anê û sozê berzkerdişê mucadeleyî danê.''