Zîndanê Xarpêtî ke bi zilm û zordarîye tim rojeve de yo, îxlalkerdişê heqan û hêrişî nêqedîyenê. Hepsîyê ke 12ê êlule de bi grevê vêşanîye yê hîrê rojan wayîrê heqanê xo vejîyayî, verê cû amebî derb kerdene û hucreyan de amebî ca kerdene. Na rey zî gardîyanan kamerayî qefilnayî û hêrişê hepsîyan kerd. Hepsîyê ke ci rê hêriş bi tayê ci pîr î.

Merdimanê hepsîyan dîyar kerd ke hepsîyê ke şertê xirabî yê zîndanî pretesto kerdî, raştê hêrişî ameyî û wina domna: "Grûba gardîyanan ke 10 kesan ra pê yena, hêrişê hepsîyan kerda. Gardîyanan ewil kamerayî qefilnayî û dima ra hepsîyan rê nêngî çînayî û heqaret kerdo. Badê zî eştî hucreyan."

Hepsîyan bi merdimanê xo dayo eşnawitene ke pêroyê heqê înan yê esasî girîyenê binê lingan û wexto ke ê wayîrê heqanê xo vejîyenê, hêrişê înan beno.

Hepsîyan ard ziwan ke şertî senî benî wa bibî, hêrişkarî se kenî wa bikerî, ê vera polîtîkaya çinkerdişî yê dewlete de xover danê û heta serkewtişî têkoşînê xo domnenî.

Pero bîn ra merdimê hepsîyan derheqê hêrişî de ewro do muracatê Komela Heqanê Merdiman ya Amedî bikerî.