Kurdî û dostê înan ê ke Ewropa de ciwîyenê bi slogananê ' Ocalanî rê azadîye, Rojawanî rê statu!' şaristanê Maastrîchtî yê Hollanda de çalakîyêk de ameyî pêser.

Almanya, Fransa, Swîsre, Hollanda, Belçîka û Avûstûrya ra xeylî kesî tewrê çalakîye bîyî. Cinîyê Kurdî pê kincanê xo yê neteweyîyan tewrê çalakîye bîyî. Dezgehanê sîyasî û rexistinan zî standî akerdî. Posterê Rayberê Şarê Kurdî Abdullah Ocalanî ser sehne de ame cakerdene. Çalakgeran alayê PKK, KCK, YPJ û YPG'yî kiriştî. Meydan de nêrazîbîyayîşê destsernayîşê şaredarîyan û wezîfedarkerdişê qeyûman ameyî îfadekerdene. Dimayê rêzgirewtişî seba şehîdanê şorişî, sernameyê Komîteya Amadekarîye Şafak Arabaciyî qisey kerd. Arbaciyî va: "Ma ewro xo ver danê. Pê nê xoverdayîşî ma do tecrîdê serê Ocalanî û feraseta faşîstan birijnê. Şarê Kurdî 35 serrî ra nata verba faşîzmî de vindeno. Şarê Kurdî verê faşîzmî de hetê nika çok nêda do ewro ra tepîya zî nêdo.‘‘ Çalakîye pê deyîranê Elenora Fournîa ya Fransije û Petra Nacht Manova ya Polonyayije dewam kerde.