Zîndanê Tîpê Myî yê Êlihî de Seba ke hukmat rîyê nêweşîya Korona ra tayî tepişteyan vera dano û tepişteyanê sîyasîyan mergî rê caverdano tepişteyan sere wedart.Tepişteyanê ke şewat vet bi sloganan qîrayî.

Bi destpêkerdişê serewedartişî xeylêk ambûlans û îtfaîyeyî sewqê zîndanî bîyî û dormeyê zîndanî  hetê polîsanê têgêrayîşê taybetî ra gerîya binê ablûqa. Seba ke vengê serewedartişê tepişteyan merkezê bajarî ra zî ame eşnawitene merdimê tepişteyan zî verê zîndanî de ameyî pêser.  Şaro ke heta saetanê şewe verê zîndanî de pawit waşt ke selahîyetdarî eşkerayîyêkê bidê la eşkerayîyêke nêdîyaye. Saetanê ereyî de reyna zîndanî ser ra dûman bi berz û şaro ke verê zîndanî de pawêtene bi fîtik û çepikan protesto kerd. Dima ra bajaranê dormeyî ra xeylêk wesayîtê zîndanan ameyî. Goreyê zanayîşê ke Komeleya Heqanê Merdiman (ÎHD) ra ame girewtene 650 tepişteyî zîndananê bînan rê ameyî sewqkerdene.