Îtalyanan dest pê kampanyaya 'Wext wextê azadîya Ocalanî yo' kerd

Seba azadîya Rayberê Şarê Kurdî Abdullah Ocalanî Îtalya de kampanyaya 'Wext wextê azadîya Ocalanî yo' dîyaye destpêkerdene. Serkêşanê kampanya ra yew zî Arturo Salerni yo ke avûkatîya Ocalanî kerdbi.

Seba azadîya Rayberê Şarê Kurdî Abdullah Ocalanî Îtalya de kampanyaya 'Wext wextê azadîya Ocalanî yo' dîyaye destpêkerdene. Sîyasetmedar, avûkat, rojanamger, akademîsyen û endamê sendîkayan kampanya îdare kenê. Koordînasyonê kampanya de 18 kesî ca gênê. Înan ra yew zî Arturo Selarni yo ke serra 1999î de Îtalya de avûkatîya Ocalanî kerde.

Di armancê kampanya estê; hukmatê Îtalya wa seba azadîya Ocalanî têbigêro û fikrê Ocalanî pê rayîrê semîneran bêrê vilakerdene.

Eşkerayîya kampanya de veng ame dayene her kesî ke paştî bido kampanya.

Koordînasyonê kampanya ra Prof. Laura Corradi û Giovanni Rosso Spenayî mesajî dayî.

Corradiye vat: ''Azadîya Ocalanî her kes eleqedar keno. Ocalan 22 serrî yo girawêke de tepişîyeno ke no edîl nîyo.Ocalan afernayoxê konfederalîzmê demokratîkî yo. Nuşteyê ci tecrubeyê Rojawanî de bibî binge. ''

Spenayî zî vat: ''Seba haştîye ganî Ocalan bêro veradayene. Rojawan de fikranê ci ra demokrasî awan bîye. Çîyo ke DAÎŞî ci ra tersayêne no bi. Na kampanyaya ma seba azadîya Ocalanî girîng a. Ma pêro kurd ê, xo kurd vînenê. Biciwîyo Ocalan, biciwîya azadîya ey.''