Şarê Dêrsimî ser kewt: Newala Munzurî de HES do nêro viraştene

Dewaya vera projeyê HES'î yê Kaletepe yo ke amebi plankerdene ke Newala Munzurî ya Dêrsimî de bêro viraştene, 10 serre verê cû ameyebî akerdene. Dimayê xoverdayîşê şarê Dêrsimî projeyê HES'î hetê Mehkemeya Îdareyî ya 3'ine ya Enqere ra ame batalkerdene.

Mehkemeya Îdareyî ya 3'ine ya Enqere  Projeyê HES'î yê Karlitepe çerçeweya madeya 56'ine ya Qanûnê  Bingeyênî  de semedê xerapkerdişê ekolojîyî, taxrîbatê cuya koyîye û Vervindertişê Qanûnê Parkan ê Mîlîyan batal kerd.

Avûkat Ozgur Ulaş Kaplanî îfade va: "Dewayanê winasîyan de mehkemeya îdareyî qerarê vindernayîşî yê rayberdişî dabi. Proje hetê Mehkemeya Îdareyî ra sey vervindertişê huqûqî  ame dîyene û ame batalkerdene. No qerar seba dewayan ê ma yê bînan zî sey mîsal do bêro girewtene. Pê nê qerarî proje teyna çerçeweya raporê ÇED'î de ney, pêroyê hetan ra amebi cigêrayîşkerdene. Nê qerarê mehkemeyan têna netîceyê têkoşînê huqûqî nîyo, netîceyê mucadeleyî yê şarê Dêrsimî yo ke çend serran ra nata bi hêwayêkê demokratîkî seba ci têgêreno."