Tetwan de dimayo ke 9 endamê meclîsî yê HDP’yî wezîfeyî ra ameyî eştene, meclîs de zafaneyê kursîyan kewtî destê AKP’yî. Endamê HDP'yî Dîyar Orakî vat, qerar bê huqûq o, amancê cipersayîşî o yo ke zafaneyê meclîsî yê HDP’yî waredayene yo.
Qezaya Tetwanî ya Bedlîsi de 9 endamê meclîsî yê HDP’yî bi îdîaya ''endamê rêxistina çekdar ê'' ra hetê Wezaretê Karanê Zereyî ra wezîfeyî ra ameybî durîfîştene.
Seba ke derheqê endamê meclîsî yê HDP’yî de cipersayîşî dewam kenê, nêeşkenê endaman zî herinda înan de biweçînayê. Netîceyê cipersayîşî de zafaneyê meclîsî kewtî destê AKP’yî. AKP yo ke bi 295 rayan Şaredarîya Tetwanî kerda xo dest, Meclîsê Şaredarîye yo ke 25 kesan ra yeno pê de, AKP bi 11 endaman yeno temsîlkerdene, HDP zî bi 5 endaman yeno temsîlkerdene.
Tetwan dimayê weçînayîşî bi xeylî bêusûlîyan kewtibi rojdem. HDP waştişnameyê îtîrazî de vatibi 900 weçînayoxî serê 3 adresan de ameyê qeydkerdene û 340 weçînayoxî zî yew adrese de ameyê qeydkerdene. YSK'î îtîrazê HDP'yî yê waştişê newe ra hûmaritişê raydayîşan qebûl nêkerdibi. Endamê HDP'yî Dîyar Orakî vat, qerar bê huqûq o, amancê cipersayîşî o yo ke zafaneyê meclîsî yê HDP’yî waredayene yo.
