Camîyê Şêx Seîdî yê Hamburgî de kermes

Camîyê Şêx Seîdî yê Hamburgî de kermes yê çar rojan yeno viraştene. Kermeso ke vizêr dest pêkerd do heta roja Dişeme dewam bikero.

Bajarê Hambugî yê Alman ya de endamanê Camîyê Şêx Seîdî kermesêk organîze kerd. Kermeso ke wero herêmî diyeno naskerdene rê eleqedarîya girde esta.

Camîyê Şêx Seîdî yê Hamburgî de sey  her serre emser zî kermesêk ame organîzekerdene. Endamê camîyî hetêk ra kulturê xo danê nas dayene, hetêk ra zî wazenê ke her hetî şarî bêrî têhet û pîya wext ravêrnê. Wero herêmî ya pîya kinc, malzemeyê xemilnayîşî  û xeylî çîyê binî zî yenê rotene.Kermesî rê sey her tim na rey zî eleqedarîya girde esta.Kurdistanijî û dostê înan ke camî de yenê tehêt rojdemî ser o qisey kenê û seba ke hîna hol organîze bibê û xoverdayîş gird bikerê munaqeşe kenê. Reyna şaro xerîb zî eleqe ramojneno kermesî û wazeno ke kulturê Kurdan nas bikero.Qijî zî kermesî açernenê firsendêk embazanê xo dir yenê têhet û pîya kay kenê.

Ma Ganî Xoverdayîş Gird bikero

Kurdistanijan ra Hesarî Çewlîgî bale ante grevê vêşanîye ser û va:‘‘ Ma semedê paştdayîşê xoverdayoxan çalakîyan virazenê, la eşkerayo ke no nêvejeno seba ke ma vengê xoverdayoxan bidê eşnawetenê, ganî ma mucadeleyî dahîna xurt bikero.‘‘ Çewlîgî veng da şarê Kurdî yê Ewropa û dostanê Kurdan ke  wa vejîyê kuçeyan û destur medê ke xoverdayoxê grevê vêşanîye bimirê.