Cenazaya şehîdê Newroze Şakarî do 26’ê Adare de bêro wedaritene

Vera tecrîdê serê Ocalanî û polîtîkayanê dewleta Almanan a ke sazîyanê Kurdan krîmînalîze kenê Şakarî 20’ê Sibate de adir nabi bedenê xo ra û nêweşxane de gama ke tedawî dîyêne şehîd kewtibi. Cenazaya Şakarî roja 26’ê Adare de do Neuss de bêro wederitene.

Dimayo ke xebere ame girewtene ke Ûgûr Şakar şehîd kewto Kurdistanijan û sazîyanê Kurdistanî verê berê nêwelxaneyê ke ê tedawî dîyêne de eşkerayîyêk daye.

Endamanê Meclîsê Şarî Newroza ke ewro do Frankfurt de bêro viraştene îtxafê Ûgûr Şakarî kerde, veng da ke şar tewrê cenazaya ke do roja 26’ê Adare saet 13.00 de şaristanê Neussî de bêro wedaritene bibo.

Duîsburg û dormeyê ci de çalakîyêk ke hetê Kurdistanijan û temsîlkaranê sazîyanê Kurdan ra ameye viraştene de hemsereka KCDK-E’yî Fatoş Goksûngûre qisey kerd û vat, “Roja 20’ê Sibate de bi verdayîşê mektûbêk hemrayê ma Ûgûrî vernîya mehkemeya Krefeldî ya Almanan de adir na bedenê xo ra, hem tecrîdê serê Rayberê Şarê Kurdî Serek Apoyî protesto kerd û hem zî nizdbîyayîşê dewleta Almanî yê hemverê sazîyanê Kurdan protesto kerdî û 20’ê Sibate ra nata xo ver dayêne.”

Goksûngûre ard ziwan ke Ûgûr Şakar no siba saet 05.00 de şehîd kewto û wina qisey kerd: “Ûgûr Şakar yew şehîdê Newroze yo. Mektûba ke nûşta zaf net a û wayîrê wesfêkê manîfestoyî de ya.Embaz Ûgûrî tecrîdê serê Rayberîye û nizdbîyayîşê dewleta Almanan ê hemverê Kurdan çi rey qebûl nêkerdî û canê xo feda kerd. Embaz Ûgûr yew şehîdê Newroze yo. Senî hemra Zulkuf Gezenî seba ke bibo vengê hemrayanê xo yê ke kewtê grevê vêşanîye yê bêdem-bêagêrayîşî çalakîya fedaîye viraşte, hemrayê ma Ûgûr Şakarî zî bi heman hawayî çalakîya fedaîye viraşte. Bi peyamo ke hemrayê ma Ûgûr Şakarî dayo ma ê na bêvengîye şikita, ganî ma zî seba şikîyayîşê tecrîdî bi çalakîyanê hîna xurtan prosesî rê wayîr vejîyê.”

Goksungure seba tewrbîyayîşê cenazaya ke do şaristanê Neussî yê Almanya de bêro wedaritene vengdayîşê beşdarîye kerd. Şakar do bi merasimê girseyî ke adresa  Rheydter Str. 191, 41464 Neuss de bêro viraştene, bêro definkerdene.27’ê Adare de zî yew çalakîya protestoyî ya girseyîye adresa Nordwall 131, 47798 Krefeld de bêro viraştene ke ûca Şakarî çalakîya fedaîye viraştebî.   30’ê Adare de zî do merasimêkê vîrardişî yo girseyî bêro viraştene.