Endama Tevna Hetkarîye ya Cinîyan ê Êzidîyan Rîhame Hesen û endama TAJÊ Pakîze Celal vera bêvengîya hukmatê Iraqî yê seba hêrişê dewa Dugirê ya Sinûnî ya Şengalî nêrazîbîyayîşê xo mojna ke Fermandarê YBŞyî Zerdeş Şengalî û 3 şerwanê bînî şehîd bîyî.
15ê çeleyî de dewleta tirke ya îşxalkere hêrişê Şengalî kerd. Netîceyê nê hêrişî de fermandarê YBŞyî Zerdeşt Şengalî zî tede 4 şerwanê YBŞyî şehîd bîyî.
Endama Tevna Hetkarîye ya Cinîyan ê Êzidîyan Rîhame Hesen vera hêrişanê dewleta tirke ya îşxalkere hersê xo ard ziwan ra û vat: "Na reya verêne nîya ke hêrişê Şengalî kenê. Bi baheneyê PKK Şengal de yo hêrişê şerwanan û domananê Şengalî kenê. Hukmatê Iraqî vera nê hêrişan bêveng o. Ma do paştî bidê şerwananê xo." Hesene pare kerd ke ê do qesasê şerwananê xo bigêrê û îfade kerd ke dewleta tirke wazena êzidîyan çin bikera.
Endama Têgêrayîşê Azadîya Cinîyan ê Êzidîyan (TAJÊ) Pakîze Celal zî hêrişê dewleta tirke ya faşîste şermezar kerd û vera bêvengîya hukmatê Iraqî nêrazîbîyayîşê xo mojna. Celale vat: "Her çar embazî zî domanê nê erdî bîyî. Şerwanê YBŞyî wayîrê erdê ma vejîyenê. Ma vînenê ke hukmatê Başûrê Kurdîstanî û dewleta Iraqî bêveng ê. Ganî dişmenî baş bizanê ke ma do gonîya domananê xo erdî ser o nêverdê. Ma rêçê domanan û dewaya xo de yê. Ma do qesasê xo bigêrê."
