Denîze Firat ( Methîye Yildiztan) ya ke hêrişê DAÎŞ’î yê 8ê tebax a 2014î yê Kampa Mexmûrî de cuya xo vînî kerde, cayê şehadetê ci de hetê endamanê çapemenîye û yê Mexmûrî û embazan û merdimanê ci ra ameye vîrardene.

Vîrardiş de Fîlîze Budaka ke bi nameyê keyeyê Firate û çapemenîya Mexmûrî qisey kerd vat ma do Denîze seba ke tîya ra xoverdayîş dayêne eşnawitene ameye kiştene . Ma zî do rêça şehîdan teqîp bikerê. Maya Frate Sultan Yildiztan vat: ''Cayo ke Denîze şehîd bîya de zeytînêr nayî ro û zergûn bîyî. Cayo ke bi gonîya şehîdan awedîyeno çirey huşk nêbeno.'' Yildiztane vera ambargoyê Mexmûrî zî hêrsê xo ard ziwan  û vat: ''Hetêk ra têrsê korona , hetê bînî ra ambargo hêrişê çeteyan ma zîndanê akerdeyî de yê.'' Babî Nayîz Yildiztanî zî vat: ''Denîze şehîda heme kurdan a.''  Aktîvîteya yadkerdişî bi slogananê şehîdê nêmirenê qedîyaye.