Sendîkaya Rojnamegeran ê Başûrê Kurdîstanî Silêmanî de raporê xo yê serra 2020î  bi eşkerayîya çapemenîye eşkera kerd.

Goreyê raporî raporê Merkezê Pawitişê Heqanê Rojnamegeran ê Metro yî serra 2020 de vera Başûrê Kurdîstanî de vera rojnamegêran 385 hêrişê û binpaykerdişê heqan ameyî kerdene. Goreyê raporî 163 wezîfeyî ameyî astenkerdene, 74 tepiştişî, 40 heqeret û tehdîtî û 42 ekîpmanê rojnamegeran ameyî destsernayene. Reyna ame vatene ke çar dezgehê çapemenîya azade zî hetê selahîyetdaran ra par ameyî qefilnayene. Rapor de ame vatene ke binpaykerdişê vera rojnamegeran zêdîyayî û bale ameye ser antene ke vera rojnamegeran bêhuqûqîye yena kerdene.

Sereka Parlamentoyê Başûrî Rewez Fayîqa ke tewrê kombîyayîşê çapemenîye bîye vat: ''Yew çapemenîya partî esta, şar nayî zano û aye nas keno. Yew  çamenîye zî esta ke xo sey çapemenîya azade ramojnena hetê partîyan ra yena paştdayene û pawitene  ke propagandaya înan bikero. Şarê ma nînan zî zaf hole zano û nas keno.  Yew zî çapemenîya azade ya raşt esta ke çim û goşê şarî ya. La nika zaf bîya zehîf. Bitaybetî ameye zehîfkerdene û herinda ci de çapemenîya ke partîyî paştî danê ci ameye bihêzkerdene.  Hukmatê ma qeraranê vera huqûqî geno. Coka çapemenîya azade goreyê hîrê serrî verê cu zafêr ameye peyserberdene. Goreyê doneyanê binpaykerdişê heqan ê ke Metro eşkera kerdî azadîya çapemenîye çîn a.''