Fermandarêko bêmerg: Berxwedan Tolhildan

Berxwedan Tolhildano ke heta şehadetê xo her hela xo bi şarê xo ravêrnaye nika zî sey bêmergî roşnayî dano êzidîyan.

Berxwedan Tolhildan (Adnan Suleyman)  o ke 23ê çeleyê 2015î de Şengal de hêrişê çeteyanê DAÎŞî de cuya xo vînî kerde ronayîşê YBŞyî de ca girewt û seba ke şarê xo qirkerdişî ra bixelisno têkoşîn kerd.

Tolhildano ke dewa Girzerîkî ya Şengalî de ame dinya badê Fermanê 73.ê vera êzidîyan heme merdimê ci esîr kewenê destê çeteyan têna di birayê ci manenê.Tolhildan seba ke şarê xo qirkerdişî ra bixelisno verê xo dano koyanê Şengalî. Fermandaro şehîd ê YBŞyî Berxwedan Tolhildan dîmenanê Hemleya Azadkerdişê Şengalî de yeno dîyene.Tolholdan kamî vîneno vano keyeyanê xo ra vajê ma Şengalî azad kenê. Wa bêrê wayîr erdê xo vejîyê.

Tolhildanî kombîyayîşê xo yê YBŞyî yo verên de wina vatêne: ''Heta ke êzidîyî azad bî ganî ma têkoşîn bikerê. Semedê azadbîyayîşê ma bê PKKyî çewî paştî ma nêdano. Bê hevalanê ma çewî qîrayîşê şarê ma nêeşnawit. Ameyî koyanê Şengalî de şehîd bîyî.''

Tolhildan reyna yew kombîyayîşê şarî de wina vano: ''Şengal verê ci zî Şengal bi la nika bîyo yewna Şengal. Verî hêzo ke Şengalî bipawê çînêbi. Nika YBŞ esto. Çim bierzê derûdorê koyanê Şengalî şima ûca YBŞ û xoverdayoxan do bivînê. Nika hêzê ma esto ke herra xo ya bimbareke ya êzidîyan bipawê, no zî YBŞ yo. Ça beno wa bibo ferq nêkeno ma venga heme ciwananê êzidîyan danê ke wa bêrê vera çeteyan erdê xo bipawê. Ganî heme ciwanê Êzidxanî bêmergîye bivîjnê.''

Şerwanê YBŞ û YJŞyî ewro seba ke rêça Şehîd Berxwedan Tolhildanî ra şirê Akedemîya Berxwedan Tolhildanî de perwerde vînenê.