Merkezê Çapemenî û Îrtîbatî yê HPG’yî da zanayene ke xeylî cayanê Bedlîsî de mabênê 16 -18’ê Gulane de vera yewîyanê leşkeran çalakîyî ameyî viraştene.

Hîrayîya eşkerayîye de nê ameyî parekerdene:

‘’15’ê Gulane de artêşa Tirkî herêmanê Şêx Cûma û Şehîde Mîzgîne  yê Bedlîsî de bi yewîyanê nimteyan operasyonêk da destpêkerdene. 16’ê Gulane de qirikê herêma Şêx Cûmayî de vera yewîyanê operasyonî çalakîyêk ameye viraştene. Hêzanê ma hêzê dişmenî û di wesayîtê înan  ser o nêzdî ra guleyî varnayî. Netîceyê çalakîye de her di wesayîtî ameyî derbkerdene, 3 leşkerî ameyî kiştene û xeylî zî birîndar bîyî. Heman roje de veraşan hêzanê ma qirikê Şînedoxanî de reya diyîne dişmen hedef girwet û bi tesîr da piro. Derheqê merde û birîndaranê na çalakîye zanayîş dest nêkewt. 18’ê Gulane de hêzanê ma Qilê Kûlîtî de vera leşkeran çalakîyêk viraşte. Çalakîya ke mewzîyê leşkeran bitesîr ameyî pirodayene 1 leşker ame kiştene û 1 zî birîndar bi. Artêşa Tirkî ya ke demê operasyonî herême bombardûman kerde, 19’ê Gulane de destveng peyser ancîyaye.’’

HPG’yî da zanayene ke artêşa Tirkî 20’ê Gulane de Wareyê Pawitişî yê Medya ra herêma Avaşînî de Qilê Sûrî û Geîyê Avaşînî bobmardûman kerdî û vat ke netîceyê hêrişan de vîndîbîyayeyê înan çîn ê.