Gerîlayan Heftanîn û Çelê da piro: 13 leşkerî ameyî kiştene
Çalakîyanê gerîlayanê HPG û YJA Starî yê Heftanîn û Çelê de 13 leşkerê artêşa tirke ya îşxalkere ameyî kiştene.
Çalakîyanê gerîlayanê HPG û YJA Starî yê Heftanîn û Çelê de 13 leşkerê artêşa tirke ya îşxalkere ameyî kiştene.
Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de zanayîş da.
Eşkerayîya HPGyî de nê ameyî parekerdene:
''2ê temmuze de hêzanê ma Qilê Şehîd Bêrîvane de vera leşkeranê tirkan çalakîyê suîqestî viraştî. Çalakîyan de 2 leşkerî ameyî cezakerdene.
53ê temmuze de hêzanê ma yê YJA Starî Qilê Tunelê yê warê Şeşdara de vera îşxalkeran çalakîyê suîqestî viraştî. Nê çalakîyan de 3 leşkerê dişmenî ameyî cezakerdene.
5ê temmuze de Qilê Dupişkî de çalakîyêke ameye viraştene. Çalakîya ke îşxlakerî hîrê perran ra ameyî pirdodayene de 4 leşkerî ameyî cezakerdene.
Reyna ewro zî hêzanê ma Qilê Dupikî de îşxalkerî hedef girewtî la hûmara merde û birîndaran ê dişmenî safî nêbîye.
5ê temmuze de hêzanê ma yê YJA Starî Çelê ya Colemêrgî de da îşxalkeran ro. Îşxalkerê ke Qilê Sorî de ameybî cakerdene stargeh û mewzîyane înan ser o adir ame varnayene. Çalakî de di mewzî û yew çeka girane ya A4î ameyî îmhakerdene û 4 leşkerê dişmenî zî cezakerdene. Badê çalakî herême ameye bombardumankerdene.
Teyarayanê şerî yê tirkan 4ê temmuze de Avaşîn de Dirê, Metîna de Darerê, Xakurkê de Goşinê û Kolit bombarduman kerdî. Nê hêrişan de vînîbîyayeyê ma çîn ê.''