Xoverdayîşê Gerîlayanê Azadîye yê Kurdîstanî yê vera hêrişê îşxalî yê dewleta tirke yo ke 17ê nîsane de dest pêkerd, dewam keno. Gerîlayê ke tewrê şerî benî mesajê xoverdayîşî dayî.

Gerîlayan ra yewî vat: ''Zap de şero xurt qewimîya û hema zî dewam keno. Xoverdayîşê embazan zaf xurt o. Tay herêman de zaf zor dîyayo dişmenî. Psîkolojîya leşkeran serûbin bîya. Ma do bi xoverdayîşê xo tarîx de pelêkê neweyî abikerê. Ma ra têna  yew kes zî bimano, ma do çirey Zapî cameverdê. Mîlîtanê Rayber Apoyî çirey verê çewî de milê xo çewt nêkerdo û do ewro ra tepîya zî milê xo çewt nêkerê. Ma do sey tîmanê erazî şirê tunelan de paştî bidê embazan. Ma pê bawer ê ke ma do tarîxî bewlî bikerê.''

Gerîla Karwanî zî vat: ''Artêşa tirke bi rojan o hêrişê îşxalî dayo destpêkerdene la hema zî gamêke aver nêşîya. Gerîlayî cewabê xurt danê îşxalkeran. Ma do emser zî ser bikewê. Serkewtiş qetî yê ma yo. Wa leşkerê tirkan bêrê teslîm bibê. Çîyêko bîn ez nêvena.''