Dayîkêke şerê Pîrbûla eşnawena û qîrena: ''Tersê neyaran o, ma nêmirê wullahî ma nêmirê.'' Dayîke seba gerîlayan wina vana ke nê gerîlayî 7 baskan ra dormeyê dişmenî girewt. Gerîlayê ke Cengê Heftanînî de do qederê kurdan eşkera bikerê, nê hêzî û ruhî danê kurdanê Başûrî.

Pîrbûla werteyê Heftanîn de girêk o. Dormeyê ci de warê xoverdayîşê YJA-Starî Şeşdara, Girê Koordîne û Girê Tunelî estê. Bedelê hêrişê vera Pîrbûla giran ê.

Şerê Pîrbûla gama verêne ya îşxalê Başûrî bi. Eke artêşa tirke û kontrayê ci Pîrbûla de nêameyêne şiknayene îşxal do aver bişîyayêne û heta Batûfa biameyêne. Dima zî Amedîuê,Kanîmasî û Şêladizê do biameyêne îşxalkerdene. Cengê Heftanînî seba şarê Başûrî zî zaf girîng o. Gerîka Ozgurî derheqê na mesele de wina vatêne: ''Ganî Heftanîn têna nêro veradayene. Tîya de têna qederê gerîlayan û dişmenî nê qederê şerê bi se serran zî do eşkera bibo.''

Gerîlayê Kurdîstanî bi hesreta Rayberîye û milê ci de qederê kurdan Heftanîn de şer kenê.