HDP: Ma paştî nêdanê Tezkereyê Serekîye

Serekwekîlanê Grûba HDPyî Fatma Kûrtûlan û Sarûhan Olûçî bi eşkerayîyêk da pêhesnayene ê do paştî nêdê Tezkereyê Serekîye.

Serekwekîlanê Grûba HDPyî Fatma Kûrtûlan û Sarûhan Olûçî eşkerayîya nuştekîye daye û vat HDP do  paştî nêdê Tezkereyê Serekîye.

Eşkerayîya Serekwekîlan wina ya: ''Goreyê ma rayîrê têrîameyîşê nê ‘felaketê girdî‘ pê qeraranê meclîsanê welatanê cîya cîyayan nêbeno. Ne qanûno ke Kongreya Amerîka qebul kerd ne zî vilaweko ke tîya beno hazir xizmetê vînayîşê heqîqetî û piştişê derban kenê. Dejo wina gird ganî malzemeyê îqtîdarê mîyanneteweyî mebo. Ma nayî raşt nêvînenê. Ma wazenê ke dejo ke şarê armenîyan ant wa pê heme xususanê xo nê welatî de bi tewirêkê azadî bêro cigêrayene û munaqeşekerdene. Heta ke wina nêbo, xora tayî hetî goreyê xo şuxulnenê. Nê problem û dej ê ma yê. Coka ganî naye ser o ma qisey bikerê. Pê têrîameyîşî ma eşkenê derban weş bikerê. Eke ma azad munaqeşe bikerê û dejanê xo pare bikerê no semedê haştîya komelkîye zî  zaf muhîm o. No meclîs eşkeno naye rê rayberîye bikero, ganî bikero zî. Na babete de ma zî paştî danê.''