Hêrişê dewleta Tirkî ya îşxalkare

HPG’yî da dazanayene ke hêrişê dewleta Tirkî ya îşxalkare  yê vera  herêma Xakurkê ya Wareyê Pawitişî yê Medya dewam kenê.

Merkezê Çapemenî û Îrtîbatî  yê HPG’yî yo ke eşkerayîyêka nuştekiye daye vat medyaya Tirkî ya şerê taybetî propagandaya operasyonê dîyinî kena.

Eşkerayîye de nê ameye vatene: ‘’Hêrişê dewleta Tirkî ya îşxalkare  yê vera herêma Xakurkê ya Wareyê Pawitişî yê Medya dewam kenê. Hêzê îşxalkarî 13’ê Temmuze de bi teyareyanê şerî û helîkopteranê taarruzî herêmê Şikêrê Sîpî, Qilê Şehîd Ahmetî û Şehîde Berîtane bombardûman kerdî. Pîya bi bombardûmanî hêzanê îşxalkaran bi Skorskyan eskerî kiriştî Şîkerê Sîpî û Qilê Şehîd Ametî û nê herrî îşxal kerdî.

Medyaya Tirkî ya şerê taybetî ke xo sey serkewte ramojnena propagandaya operasyonê dîyinî kena. Artêşa Tirkî ya ke bi heme îmkananê xo yê teknîkî koyanê Kurdistanî bombarbûman kena do her tim raştê xoverdayîşê gerîlayî bêro. Artêşa Tirkî ya ke tim gerîlayan ra derbeyan wena, seba ke binkewtişê xo binimno,  operayonêko newe rayapêroyî rê servîs kena. Bi tepiştişê çend qilan ê xo sey serkewte vînenê la eşkerayo ke ê do gerîlayî ra debeyanê girdan borê.

14’ê Temmuze (ewro) teyareyanê şerî yê dewleta Tirkî  herêma Kesta ya herêma Metîna ya pabesteya Wareyê Pawitişî yê Medya bombardûman kerde. Bombardûmanan de vînîbîyayeyê ma çîn ê.’’