Merkezê Çapemenî û Îrtîbatî yê HPG’yî  bale ante xeberanê zûran ê medyaya Tirkî ser û vat bi nê xeberan wazenê ke moralê şarê ma bixeripnê û hetanê faşîstan bixapînê.

Eşkerayîya de ca dîya nînan: ‘’Dewleta Tirkî ya îşxalkara ke vera  mucadeleyê Têgêrayîşê Azadîye yê Kurdistanî  de zordarîye ancena sey her wextî nê demê peyênî de bi rayîrê medyaya şerî ya taybete şarî xapînena. Îşxalkaranê ke Xakurkê ra heta Zapî, Zap ra heta Dêrsimî gerîlyan ra derbeyê girdî werdî bi nê xeberan wazenê ke moralê şarê ma bixeripnê û hetanê faşîstan bixapînê.

Na çarçewe de hêrişê xo yê vera Wareyê Pawitişê Medya û Başûrê Kurdistanî bi vatişê ‘’Koordîneyê Çalakîye yê MÎT’î ame pirdayene’’ manîpule kenê. Hetêk ra zî bi vilakerdişê  xebera Botan de 5 kesî pîya teslîm bîyî wazenê ke gerîlayê azadîye bêîtîbar bikerê.

Her çî ra verê, seke Fermandarîya Merkezê Qerargehê ma zî çamenîye rê eşkera kerdbi. Çalakîya ke Hewlêr de vera MÎT’î ameye viraştene, eleqaya hêzanê ma pê çîn a. Xora herêma gerîlayî ra koordînayê çalakîye zî nêno pirodayene. Eşkerayo ke seba ke halo ke ciwananê Kurdanê weletperweran ê fînayî de ci ra bixelisye sere dayo nê xeberan ro. 5 kesê ke qalê înan yena kerdene zî tarîxanê verînan de sefanê mucadeleyê ma ra qerfîyayî û Başûrê Kurdistanî de hetê dewleta Tirkî ra ameyî ernayene. Şirnex de teslîmîyet çîn o.

Ma veng danê şarê xo yê welatperwerî û rayapêroyîye ya demokratîke wa vera kayanê leyminan ê hukmatê AKP-MHP’yî yo ke vera mucadeleyê ma yê biheqî demê xo yê peyên de yo, hîşyar bê. Wa vera kayanê şerî yê taybetî hîsdar bê. Şert senî benî wa bibê ma do heta azadkerdişê şarê xo mucadeleyê xo rê dewam bikerê.’’