Merkezê Îrtîbatî û Çapemenîye yê HPGyî derheqê babete de eşkerayîyêke daye. Eşkerayîya HPGyî wina ya:

''Artêşa tirke ya îşxalkere vera herêma Zapî ya Herêmanê Pawitişî yê Medya de hêrişêkê hewayî kerdbi. Netîceya nê hêrişî de embazê ma Zinar Sosan (Fadil Ekîncî) birîndar bibi û 6ê nîsane de şehîd bi. Zanayîşê derheqê embazê ma de wina yê:

Nameyê Qodî: Zinar Sason

Name û Peyname: Fadil Ekîncî

Cayê Bîyayîşî: Êlih

Maye-Pî: Remziye – Mehmet Tayyip

Tarîx û Cayê Şehadetî: 6ê Nîsana 2020î – Zap

Embaz Zinar serra xo ya qijkeke de bi şahîdê îşkenceyê dişmenî. Embaz Zinarî keyeyê xo reyde koçê metropolan kerd û rastê zorbazîye ame. Embaz Zinar pê kînê vera dişmenan serra 2008î de tewrê PKKyî bi. Embaz Zinar pê îdeolojîye Rayberîye xo xurt kerd û embazê xo zî perwerde kerdî. Embaz Zinar Zagrosan de fermandarêko rayber bi û zerrîya pêro embazan de ca girewtbi.

Ma sere de keyeyê ci rê pêro şarê Kurdîstanî yê welatperwerî rê serweşîye wazenê û sozê xo dibare kenê ke ma do têkoşînê embazanê xo yê şehîdan biresnê serfîrazîye.''