Gerîlayan Heftanîn de da piro: 34 leşkerî ameyî kiştene

HPGyî da pêhesnayene ke çarçeweya Hemleya Cengê Heftanînî de 34 leşkerî ameyî kiştene û 2 helîkopterê Kobrayî ameyî derbkerdene.

Merkezê Îrtîbatî û Çapemenîye yê HPGyî derheqê xoverdayîşê vera hêrişê îşxalî de eşkerayîyêke daye û nê pare kerdî:

''Vera hêrişê îşxalî yê vera Heftanînî xoverdayîşê hêzanê ma dewam keno. Hêzanê ma çarçeweya Hemleya Şorişgêre ya Cengê Heftanînî de derbê girdî dayî dişmenî ro. Detayê çalakîyanê 21ê hezîrene  wina yê:

Çalakîyê sabotajî

Şewa 20ê hezîrena ra heta cemê şanî yê roja binê îşxalkeran warê Xantûrî bombarduman kerd.  Hêzanê ma helîkopteranê hêrişî ser o adir varna. Kobrayêkî derbe girewte û helîkopterî herême ra peyser ancîyayî. Vera îşxalkeranê ke bi helîkopteranê Skorskyan waştêne leşkeran bikirîşê herême, hêzanê ma hîrê çalakîyê sabotajî kerdî. Nê çalakîyan de xeylêk leşkerî ameyî kiştene la hûmara înan nêameye zelalkerdene. Reyna çalakîyanê sabotajî yê cîya cîyayan ê vera yewiyanê operasyonî yê warê Xantûrî de 8 leşkerî ameyî kiştene. Çalakîya bitesîre ya Qilê Tupişkî ke hîrê hetan ra ameye kerdene de 6 leşkerî ameyî kiştene. Hêzanê Qilê Sîpanî de zî leşkerê dişmenî hedef girewtî. Çalakîya ke îşxalkeran ser o adir ame varnayene de hûmara merde û birîndaranê dişmenî zelal nêbîye.

Gerîlayêk şehîd kewt

Hêzanê ma leşkerê ke Qilê Qesrokê de ameyî cakerdene vera înan zî çalakîyêke kerde. Çalakîya ke hêzê ma heta mintiqaya dişmenî şîyî û mesafeyo nizdî ra da piro 6 leşkerî ameyî kitene. Na çalakîye de hemrayê ma Memyano ke vera yewîyanê dişmenî heta guleyê xo yê peyênî bi hawayêkê qehremankî şer kerd şehîd kewt. Badê çalakîye herême ameye bombardumenkerdene. Hêzêna ma Kobrayo ke hêriş kerdêne hedef girewt  û derbe da piro. Qilê Şehîde Bêrîvane de zî îşxalkerdî di rey ameyî pirodayene, 3 leşkerî ameyî kiştene.Warê Xantûrî de zî hêzê ma heta mîyanê yewîyanê dişmenî şîyî û bitesîr da piro. Çalakîye de 11 leşkerê dişmenî ameyî kiştene.''

Besta, Xakurkê û Çelê de çalakî

HPGyî derheqê çalakîyanê bînan ê gerîlayan de zî nê zanayîşî pare kerdî: ''Çarçeweya Hemleya Şorişgêre ya Şehîd Bagerî û Şehîde Ronya de hêzanê ma 21ê hezîrane de Qilê Lêlîkanî yê Xakurkê de dişmenî ro. Çalakîya ke mewzî û stargehê dişmenî bitesîr ameyî pirodayene de 3 leşkerî ameyî kiştene. 17ê hezîrane de herêma Besta ya Şirnexî de leşkerê ke dormeyê Qereqolê Osyanî de ameyî cakerdene ameyî pirodayene. Çalakîye de 1ê înan payeberz 2 leşkerî ameyî kiştene. 21ê hezîrane de Çelê ya Colemêrgî de vera artêşa tirke çalakîyêke ameye kerdene. Çalakîya ke Tepê Sorî de ameye kerdene hûmara merde û birîndaran safî nêbîye.

Hêrişê hewayî

21ê hezîrane de qilê Golka û Hakkarî yê Metîna hetê teyarayanê şerî yê artêşa tirke ra ameyî bombardumankerdene. Nê hêrişan de vînîbîyayeyê ma çîn ê.''