Merkezê Îrtîbatî û Çapemenîye yê HPGyî nasnameyê 4 gerîlayanê ke Wan de şehîd bîyî eşkera kerdî.
Eşkerayîye wina ya:
''Teşrîna verêne ya 2019î de qezaya Şaxî ya Wanî de mabênê artêşa tirke ya îşxalkere û hêzanê ma de şer qewimîya û netîce de embazê me Deştan Mordem, Sarîna Agît, Zeynepe Arîn Kop û Sarîna Têkoşînê ke bi çêrî vera îşxalkeran şer kerd şehîd bîyî. Nasnameyê embazanê ma yê şehîdan wina yê:
|
Nameyê Qodî: Deştan Mordem
Name û Peyname: Alî Yenîce
Cayê Bîyayîşî: Wan
Maye-Pî: Seyrane-Mûsa
Tarîx û Cayê Şehadetî: Teşrîna Verêne ya 2019î / Wan
|
|
Nameyê Qodî. Sarîna Agît
Name û Peyname: Raziye Sunar
Cayê Bîyayîşî: Êlih
Maye-Pî: Ayşete-Mehmet Salîh
Tarîx û Cayê Şehadetî: Teşrîna Verêne ya 2019î / Wan
|
|
Nameyê Qodî: Zeynepe Arîn Kop
Name û Peyname: Aleve Okumuş
Cayê Bîyayîşî: Mûş
Maye-Pî: Kiymete-Hasan
Tarîx û Cayê Şehadetî: Teşrîna Verêne ya 2019î / Wan
|
|
Nameyê Qodî: Sarîna Têkoşîn
Name û Peyname: Sozdare Aslan
Cayê Bîyayîşî: Sêrt
Maye-Pî: Gazele-Tahîr
Tarîx û Cayê Şehadetî: Teşrîna Verêne ya 2019î / Wan
|
Serra 2019î bîye wextanê tewr girîngan ê têkoşînê gerîlayan ra yew. Xoverdayîş û çêrîya Vakurê Kurdîstanî bîyî helê îşxalkerî yê xoverdayîşê ma. Herêma Botanî zî cepheyanê tewr girîngan ê nê xoverdayîşî ra yew bi. Embazê ma Deştan (Alî Yenîce), Sarîna (Raziye Sunar), Zeynepe (Aleve Okumuş) û Sarîna (Sozdare Aslan) zî bîyî rayberanê xoverdayîşê ma yê Botanî û înan heta hela peyêne pê ked û fedakarîyêka pîle pê çêrî têkoşîn kerd.
Embazê ma herêmanê cîya-cîyayan ê Kurdîstanî ra bîyî, dormeyê îdeolojîya Rayber Apoyî de bibî yew û têkoşînê vera qirkerdişî kerd armancê xo. Vera hîşmendîya faşîsta ke estbîyayîşê ma qebul nêkena û hêrişê erjanê ma kena, wazena kokê ma wedara tena pê têkoşînêkê xurtî yena astengkerdene. Embazanê ma yê şehîdan pê felsefeya Rayber Apoyî têkoşîn kerd, bedelê giranî dayî, xoverdayîşêko çetin kerd û rejîmê tirkî berdî verê rijnayîşî. Deştan, Mordem, Sarîna Agît, Zeynepe Arîn Kop û Sarîna Têkoşîn zî pê na bawerîye Wan de derbê pîlî dayî dişmenî ro û bi nê hawayî têkoşînê dewrê neweyî de ca girewt. Ê vera her metodê hêrişanê dewleta tirke ya îşxalkere bi îradeyêkî têgêrayî û caardişê metod û taktîkê gerîlayanê dewrê neweyî de rolêk girewt xo ser.
Metodanê gerîlayan ê dewrê neweyî hînî xo îsbat kerd û seba şaranê bindestan bîyî ferasetê têkoşînî yê netîcedarî. Xoverdayîşo destanwarî yê embazanê ma yê şehîdan do hetê embazanê ma ra pê serkewtişî tacîdar bibo.
Sere de keyeyanê ercîyayeyan ê embazanê ma yê şehîdan rê ma pêro şarê welatperwerî yê Kurdîstanî rê serweşîye wazenê û sozê xo dibare kenê ke ma do têkoşînê xo de wayîrê vîrameyîşanê înan vejîyê.''