Koordînasyonê Krîzî yê Kongreya Komelê Demokratîkî derheqê vîrusê Korona de ke Tirkîya de vila beno eşkerayîye daye.

Eşkerayîya KCKyî wina ya: 

''Ma vera Vîrusê Korona bira ''Hewarîya Sûre girewte. Seba îdarekerdişê nê krîzî ma pîya bire daye ke rayberîya KCDyî de Masaya Krîzî awan bikerê.

Şarê ma rê vengdayîş o!

Ma venga şarê xo danê ke keyeyê xo ra mevejîyo. Merdimê ke neçare manenê ke vejîyenê teberî ganî baldar bibê.

Metroyanê ke hetê bi hezaran kesan ra yenê xebitnayene ra dûrî vinderê.

Destê xo bi sabunî bişuwê.

Masaya ma krîzî do şarê ma rê zanayîşanê rastikênan bida.

Ma venga şarê xo danê ke paştî bidê pêro hewcedaran.

Ganî şarê ma vera karantînayan bi hawayêkê makulî tebdîrê werdî bigêro. Seba şarê ma yê xizanî zî Masaya Krîzî do tay xebatan bikera.

Sinifa tewr birîske kokimî ya. Ma venga şarê xo danê ke paştî bidê kokiman, înan reyde têkilîye ronê.

Mîkrobî tewr zaf şaristanan de yê. Eke îmkanê şarê ma esto ganî xo biresno dewan.

Vengdayîşê ma yê seba hukmatî!

Ganî hukmatî seba her kesî tebdîran bigêro û bi hawayêkê zelalî zanayîşan bido.

Zîndanan de bi seyan tepişteyê nêweşî, kokimî, domanî estê ganî nê bêrê veradayene.

Ganî xizmetê sey awe, ceyran, weşîye û hacetê pakî bêpere bêrê vilakerdene.

Deynê esnafan, merdimanê ê bankayan rê ganî bêrê taloqkerdene.

Masaya krîzî ra berî qeza û şaristananê ma de, partîyê sîyasîyî, rêxistinê dezgehê sivîlî û şaredarîyê ma bi hawayêkê lezî masayanê krîzî do awan bikerê. Dewe û taxan de torra paştdayîşî do bêrê awankerdene.

Ma do medyaya komelkî ser o zî tay xebatan do bikerê. Ma do dem bi dem derheqê xebatanê xo de zanayîş bidê.

Şarê ma eşkeno na nûmare ra bi rayîrê telefonî û whatsapî bireso Masaya Krîzî: 0552 48618 20 ya Maseya Krîzê."