Hemserekîya Konseya Rayberdişî ya KCKyî eşkerayîyêka nuştekîye daye û nê pare kerdî:

''Ma semedê şehadetê endama Grup Yorumî Hêlîne Bolekî heme embazan û keyeyê ci û hunermendar rê seweşîye wazene. Têkoşînê aye do têkoşînê şaran de bêro domnayene. Îqtîdaro faşîst bi her tewir kayanê leyminan heme îmkananê dewelete şuxulneno û hêrişê şarê kurdî û hetanê demokratan keno.  Seba ke tersê vînkerdişê îqtîdarî esto hunermend û êyê ke tewet erzenê fîkîryenê înan ra zî teseno coka hêrişê înan keno . Êyê ke hunerî ra tersenê û wazenê ke hunermendî bimirê peynîya înan bîya nizdî. Nika ganî heme hêzê demokratî bêrê têhet û şirê îqtîdarî ser. Xora hukmat bîyo sist têna eke şarî hêzê xo bikerê yew û şirê ser do cade birijo.

Nê hukmatî heta virus zî semedê îqtîdarê xo şuxulna. Vîrusê Korona heta Îran ame bi înan vatêne ma de çîno û herinda tedbîran de propagandaya xo kerdêne. Merganê zafan ra îqtîdar berpirsîyar o. Hukmato ke bê îqtîdarî derdêkê ci yo bîn çîn o hûmara merdeyan nimneno do çirey zî hûmara raşte medo.  Hukmat no demo ke heme dinya semedê vergirewtişê Korona tê gêreno hêrişê şaredarîyanê şarî  yê ke nê rojanê zehmetan de paştî danê şarî keno. No dişmenîya înan ê vera şaran ramojnena. Xora vera şîdetê serê cinîyan zî qet vengê nê hukmatî nêvejîyeno. Ê bi xo verda cinîyan ê. Şîdetê vera cinîyan camêrdî keno xirabin û nêweşîyêka komelkî ya.

Rîyê janê Korona ra xora hêver hêzanê demokrasî waşt ke wa zîndanî bêrê vengkerdene  û no waştiş vist rojdem. La îqtîdaro faşîst bi zîhnîyetê wa kurd dayîka xo mevîno  kurdî û hêzê demokrasîyî yê ke dostê kurdanê  zîndanan de binê tehlukeyê mergî de verdayî ke pêro pîya bimirê. Ganî sere de kurdî heme şarê Tirkîya vînê ke îqtîdar dişmenê şar û komelî yo. Ganî şarê ma hêzê demokrasîyî hêzê bikerê yew û heme îmkananê xo bişuxulne, têkoşînê xo xurt bikerê ke nê îqtîdarî bidê war. Wextê nê îqtîdarî ra xelisyayîşî ameyo!''