Dewaya avûkatanê endamanê ÇHD û OHDyî de avûkate Ebru Tîmtîk û Aytaç Unsalî rê 159 serr û 2 mengan ceza ameye dayene. Tîmtîke û Unsal seba 'hukmkerdişê edîlî' zîndan de dest pê grevê vêşanîye kerd. Avûkatanê tepişteyan 5ê Nîsane Roja Avûkatan de grevê vêşanîye vurna rojeyê mergî. Tîmtîke 153 û Unsal zî 122 rojan ra nata rojeyê mergî de yê.

Keyeyê Tîmtîke pare kerd ke Tîmtîke bîye 42 kîlo û weşîya ci xirab a. Keyeyî îfade kerd ke Tîmtîke seba 'hukmkerdişê edîlî' pabeya paştdayîşî ya û waşt ke wa çew bêveng nêmano. Keyeyî bale ante ser ke 'Waştişê hukmkerdişê edîlî ganî merg nêbo.'

Hetê bînî ra xeylêk welatan ra 365 avûkatan semedê avukatanê tepişteyan Ebru Tîmtîk û Aytaç Unsalî yê ke rojeyê mergî de yê muracatê dozgerîye kerd ke na neheqîye wa werte ra bêro wedaritene û Tîmtîk û Unsal cade bêrê verdayene.