Konseya Rayberdişî ya Kongreya Neteweyîye ya Kurdîstanî (KNK) bi wesîleya serrgêra Qirkerdişê Helebçe yo ke 16ê adara 1988î de ame kerdene eşkerayîyêka nuştekîye daye.

Eşkerayîya KNKyî wina ya:

''32 serrî verê cû 16ê adara 1988î de hêzanê rejîmê îşxalkeran ê Iraqî bi çekanê qedexekerdeyan ê kîmyewîyan û jehrdaran vera şarê sivîlî yê Helebçe qirkerdişêko pîl kerd. Netîce de nêzdîyê 5000 domanî, cinîyî, camêrdî, kokimê bêgunayî şehîd bîyî.

Oyo ke Helebçe de qewimîya mîsalanê tewr pîlan ê qirkerdişanê seserran 20. ra yew o. Mabênê çend seatan de tewr tay 5000 hezar kesî ameyî qetilkerdene û bi hezaran kesî birîndar bîyî. Helebçe bi dej û birînêko pîl ê şarê kurdî.

Ganî her kez baş bizano ke tehlûkeyê qirkerdişî û qetlîamî kurdan ser o derbaz nêbi. No tehlûke her parçeyê Kurdîstanî de dewam keno. 

Ganî ma bizanê ke serrgêra 32. ya Qirkerdişê Helebçe ra heta nika heman tehlûke rojdem de yo. Seba ke Helebçeyê neweyî nêrê meydan ganî hêzê sîyasî pîya mîyanê îtîfaqî de bibê, ganî hêzê pawitişî yê Kurdîstanî bibê yew, xurtêr bibê û pîya wayîrê Kurdîstanî bivejîyê.

Serebûto trafîk ê Helebçe bi nasnameyê mazlûmîya kurdan. Qirkerdişê Şengalî zî pê nê nasnameyî xo mojna ra. Xoverdayîşê Kobanê, yew çeperî û pawitişo hempar ê Kurdîstanî yê vera DAÎŞî  nasnameyêkê xoverdayoxî awan kenê û awan zî kerd. No xoverdayîş hêzê pîlî dano ma û seba armancanê ma yê fîrazan berê hîrayî akenê.

Ma Helebçe qet xo vîrî ra nêkenê. Senî ke ma Dêrsim, Gelîya Zîlanî, Serdeşt, Merîwan, Amûde, Enfal, Yarsan, Êzidî, Şengal, Roboskî û ê pêro qirkerdişê bînî yê ke hetê îşxalkeran ra ameyî kerdene xo vîrî ra nêkerdî ma do Cîzîra Botanî û Helebçe zî xo vîrî ra nêkerê.

Ma reyna şexsê şehîdanê Helebçe û Enfalan de pêro şehîdanê Kurdîstanî yad kenê û rîyê xo verê vîrameyîşê înan de anê war.''