Fermandarîya Qerargehê Merkezê Pawitişê Şarî derheqê Newroze eşkerayîye daye.

Eşkerayîye de nê ameyî parekerdene ''Şarê Rojhelatê Mîyanênî bi serran o ke seba Newroze vanê roja newîye û sey destpêkê wisarî fîraz kenê. Şarê kurdî Newroze kerde roja xoverdayîşî ya Dehaqî. Rayraşîyayîşê Rayber Apoyî û têgêrayîşê azadîye bi şehîdanê sey Mazlûm Doganî manayêka newîye girewte.

Nameyê Gerîlayanê Azadîye yê Kurdîstanî ser o ma do şexsê Kawayê Hemdemî Mazlûm Doganî de şehîdanê çêran bi mînetî yad kenê. Ma Newroza Rayber Apoyî, yê şarê xo, şehîdanê xo, dadîyanê xo fîraz kenê. Ma soz danê înan ke ma do têkoşînê fîrazî yê şehîdan bi serkewtişî tacîdar bikerê.Şarê Kurdîstanî qet vera asîmîlekaran sereyê xo nêard war, koyê Kurdîstanî xo rê kerdî waran û her tim bi ruhê Newroze xo ver da. Şarê ma bi heman ruhê xoverdayîş û têkoşînê xo yê vera hîşmendîya asîmîlekar, faşîste dewam kena.

Ma Newroza 2020î bikerê destpêkêkê neweyî, ma seba têkoşînî adirê Newroze geş bikerê, bi perspektîfê Rayber Apoyî û xeta Mazlum Doganî û Mahsun Korkmazî de wezîfeyanê xo bîyarê ca. Ma her wextî ra zêdêr seba nînan qerardar ê. Ma bi îdîa yê ke Newroza 2020î bi xoverdayîşî, bi ruhê adirê Newroze şerê xo yê şarê şorişgerî reyde sey destpêkê hemleyêka newîye pêşwazî bikerê.

Hêzanê Pawitişê Şarî seba ke Newroze bi îdîa û qerardarî pêşwazî bikerê kombîyayîşê xo yê Konseya Fermandarîye bi hawayêkê serkewteyî ard ca ke 6 rojan dewam kerd. Kombîyayîşê ma de ma rayîr û taktîkê têkoşînê xo eşkera kerdî. Ma Newroza 2020î bi qerardarîya kombîyayîşê Konseya Fermandarîye ya HPGyî bi îdîaya serkewtişî pêşwazî kenê û esasê Newroze ser o şarê xo rê silam kenê. Hêzê ma do bi felsefeya Rayber Apoyî cewabê pêro hêrişanê dişmenan bidê. Ma Newroza şarê xo reyna fîraz kenê û ma hêzanê azadîye rê têkoşînê wextê neweyî de serkewtiş wazenê.''