Merkezê Çapenî û Îrtîbatî yê HPG’yî derheqê çalakîyanê gerîlayan û hêrişanê artêşa Tirkî de zanayîş da. Eşkerîyîye de nê ameyî parekerdene:

Stewr de 5 Gerîlayî Şehîd Bîyî

''23’ê Tebaxe de artêşa Tirkî rayberîya kontrayan de qezaya Stewrî ya Mêrdînî de  dest bi operasyonê îşxalî  kerd. Operasyon de mabênê hêzanê ma û îşxalkaran de pêkewtişê xidarî ameyî ciwîyayene. Nê pêkewtişan de 5 hemrayanê ma yê ke bi qehremankî şer kerdêne şehîd bîyî. Hayîdarîyê nasnameyanê embazanê ma do rayapêroyîye dir bêrê parekerdene.

Herêma Omeryanî de Gerîlayan da Îşxalkaran ro

Artêşa Tirkî ya îşxalkare xeylî wextî yo ke herêma Omeryanî ya Mêrdînî de bi paştdayîşê yewîyanê nimiteyan faalîyetanê damî rayra bena. Hezanê ma 4’ê Êlule de mabênê mintiqayanê Xirbê Mirîşka û Mehsertê de da îşxalkaran ro, 5 leşkerê dişmenî ameyî kiştene û 5 zî birîndar bîyî.  7’ê Êlule de Omeryan de bi tewrbîyayîşê kontra û polîsanê têgêrayîşê taybetî operasyon hîra kerd. Hêzanê ma yewîyêka dişmenî ya ke 60 kesî ra yena pê girewte bine kontrolî û mesafeyo nêzdî ra da piro. Pêkewtişanê ke di saete dewam kerdî de 8 endamê POH’î û tewr tay 2 kontrayî ameyî kiştene û xeylî zî birîndar bîyî. 8’ê Êlule pêkewtişî xorî bîyî û nê pêkewtişan de zî xeylî leşkerî ameyî kiştene. 3 embazê ma yê ke operasyonî de bi ruhê xoverdayîşî derbeyî girdî dayî dişmenî rob  tewrê kerwanê şehîdan bîyî. Sicîlê embazanê ma do pey ra bêrê parekerdene.

Qesasê Xoverdayoxanê Bajarî Ame Girewtene

Dewleta Tirkî ya ke Omeryan de derbeyî xidarî werdî hareketê înan o psîkolojîk pûç ame vetene. Mudirê POH’î yê Beşê Mêrdînî Tûfan Kansûva yo qirkerdişanê vera Kurdan de ca girewto û destê  ci de gonîya cinîyan, ciwanan û qicanê yê ke xoverdayşê Nisêbînî de ameyî qetilkerdene, esta  hetê hêzanê ma ra ame kiştene û qesasê merdimanê ma yê ke ameyî qetilkerdene ame girewtene.

Şemzînan de Çalakîya Sabotajî

Çarçeweya Hemleya Şorişgêre ya Şehîd Bager û Şehîdê Ronya de hêzanê ma 12’ê Êlule de qezaya Şemzînanî ya Colemêrgî de çalakîya sabotajî viraşte. Çalakîya ke mabênê Qirrika Grana û Qilê Xwedê de ameye viraştene de wesayîtêk pîya bi leşkerêkê tede bî ame îmkakerdene û der û dore de 2 leşkerî giran birîndar bîyî. Dimayê çalakîye herême ameye bombardûmankerdene.

Çelê de Operasyon

11’ê Êlule de artêşa Tirkî ya îşxalkare mintiqaya Kinyanîşî ya qezaya Çelê ya Colemêrgî de operasyon da destpêkerdene. No operasyon  mintiqaya Şehîd Rêberî û Qilê Şehîd Pilingî de bi ronayîşê daman dewam keno.

Heftanîn de Bombardûman

12’ê Êlule de artêşa Tirkî Wareyê Pawitişî yê Medya ra herêma Heftanînî de Dola Şehîd Ahmet Rapo ser o bombayî varnayî. Bombardûman de vînîbîyayeyê ma çîn ê.‘‘