Menga sibate de sînorê Tirkîya û Îranî de bi şîdetê 5.9î erdlerzêk qewimîya û qezaya Elbakî ya Wanî de 10 kesî merd, bi seyan kesî zî mexdûr bîyî. Taxanê Ozpinar, Gelenler, Guvendîk û Kaşkolî yê Elbakî de meseleyî hema zî dewam kenê. Hende meseleyan reyde Şîrketa Anonîmî ya Vilakerdişê Ceyranî ya Gola Wanî (VEDAŞ) peymitoxê dîrekanê ceyranî konteyniranê mexdûranê erdlerzî ser o ca kerdî. Mexdûrê erdlerzî neçarîye ra faturayanê ceyranî do bi xo bidê.

Mexdûrêkê/a erdlerzî vat: ''Xora ma erdlerzî de mezdûr bîyî. Keyeyê ma rijîyayî, heywanê ma telef bîyî. Nika zî konteynirî tîya de ca kerdî. Ma nika tîya de manenê. Labelê nê mexdûrîyetê ma reyde zî VEDAŞî peymitoxê ceyranî konteyniranê ma de ca kerdî. Qaşo AFAD do faturayî bidêne. Nika zaf keyeyî xizanîye ra nêeşkenê konteyniran de bimanê. Seba ke rewşa hewayî baş nîya êyê ke neçarîye ra konteyniran de manenê sobaya biceyranî xebitnenê. Ma selahîyetdaran ra waşt ke nê peymitoxê ceyranî wa wedarê.''