Mîkaîl Aslanî semedê mevejîyayîşê teberî veng da

Hunermend Mîkaîl Aslanî medyaya komelkîye ra veng da ke wa şar vera Korona tedbîranê xo bîgêro, kokimanê xo bipawo û keyeyanê xo ra mevejîyo teber.

Hunermendo dêrsimij Mîkaîl Aslano ke bi kirdkî (zazakî) hunerê xo keno medyaya komelkîye ra bi zazakî veng da ke wa şar keye ra mevejîyo û xo vera virûsê Korona bipawo.

Aslanî vat:'' Beno ke doman û ciwanî nêweşîye ravêrnê la kokimî nêxelisyenê. Xora tay kokimê ma mendî  ganî ma înan bipawê. Ma cayanê sixletîyan meşorê û tedbîranê xo bîgerê. Ganî ma vateyê doktor û zanayanê xo bikerê û semedê vergirewtişê nêweşîye xîret bikerê. Ma wayîrê yewbînan bivejîyê. Nê rojê tengî verênê ra şinê.''